മഹാ അത്ഭുദം കാണിച്ച എന്റെ മരണ സമയം അടുത്തില്ല എന്നും ബാക്കിയുള്ളവരൊക്കെ എന്നെക്കാള്‍ മുമ്പേ മരിക്കുമെന്നും വീമ്പ് പറഞ സത്യസായി ബാവ എന്ന് പേരുള്ള പുട്ടപര്‍ത്തിക്കാരനായ ആള്‍ ദൈവ മനുഷ്യന്‍ “സത്യ“ എന്ന പേരിനോട് പോലും നീതി പുലര്‍ത്താതെ തെക്കോട്ടെടുക്കുന്നത് കണ്ണോട് കണ്ടവരാണ് നമ്മള്‍. മരണപ്പെട്ട ഈ ആള്‍ ദൈവം വര്
ഷ ങ്ങള്‍ക്കു മുമ്പ് ദൂരദര്‍ശന്‍ മാത്രം വാഴുന്നൊരു കാലത്ത് ഒരു മഹാ അത്ഭുദം കാണിക്കുകയുണ്ടായി ശൂന്യതയില്‍ നിന്നും അതാ കിടക്കുന്നു ഒരൊന്നന്നര പവന്‍ മാല!! കണ്ടവര്‍ വാഴ്ത്തി കേട്ടവര്‍ ഏറ്റുപാടി..ആ മഹാ അത്ഭുദം സ്വന്തം ക്യാമറയില്‍ പകര്‍ത്തിയ ദൂരദര്‍ശന്‍ ക്യാമറാമാന്‍ അത്ഭുദ തട്ടിപ്പ് ദൃശ്യം ലോകരെ കാണിച്ചപ്പോ‍ള്‍ കാലം അതികം താമസിയാതെ തന്നെ നഷടമായത് ജോലി!!ദൈവ കോപം എന്നല്ലാതെ എന്തു പറയാന്‍..!
കേരളക്കരയിലെ.. ക്ഷമിക്കണം, ലോകരുടെ കെട്ടിപ്പിടി അമ്മയായ പാവപ്പെട്ട പണക്കാരിയായ “സുധാമണി“ വീണ്ടും ക്ഷമി മതാ അമൃതാനന്ദമയി
അവര്‍കളോട് ഏതോ ഒരു ബീഹാ
റുകാരന് എന്തോ പറഞ് തട്ടി
ക്കയറിയപ്പോള് പാവം ആ മാനസിക രോഗി
യെ ആരോ തട്ടി!!ഹോ.. ഇപ്പൊഴത്തെ ദൈവ കോപം!! കൂലി വരമ്പത്ത് നിന്ന് തന്നെ കൊടുക്കുന്ന കാലം!! (അമ്മേ മായേ എന്നെ തട്ടിയേക്കല്ലേ എന്റെ
കുഞ്ഞിനെ ഒക്കത്ത് തട്ടിയിട്ട് കൊതി തീര്‍ന്നില്ല)
സ്തോത്രം .... സ്തോത്രം ...അലേലുയാ ...അലേലൂയാ.. മുല്ലക്കര സാറണ്ണാ അങ്ങേക്ക് സ്തോത്രം!! മുല്ലക്കരസാറണ്ണന്‍ ആയിരത്തി നാനൂര്‍ പിശാചിനെ ഒന്നിച്ചൊഴിപ്പിചതിന്റെ ക്ഷീണം സോഷ്യല്‍ സൈറ്റുകളില്‍ അലയടിയിക്കുകയാണ്.മുല്ലക്കരസാറണ്ണാ നമ്മടെ സൂക്കര്‍ബര്‍ഗ് ആകെ ബേജാറിലാണുള്ളത് കോടിക്കണക്കിനു ഫൈക്കന്മാര്‍ ഫൈസ്ബുക്കില്‍ കയറിനിരങ്ങുന്നു അവരെയൊക്കെ ഒഴിപ്പിക്കാന്‍ എന്തോരം ചിലവുവരും??
ചിലനസ്രാണിമാരും ചില ഹൈന്ദവരും ആള്‍ ദൈവത്തിന്റേയും പുണ്യ പുരുഷ മഹതികളുടേയും പിറകെ പായുന്നത് കാണുമ്പോള്‍ “നമ്മക്കാരുമില്ലല്ലോ റബ്ബേ” എന്ന് കരഞ്ഞ് കല്‍ബില്‍ തീ പിടിപ്പിച്ചവരുടെ കല്‍ബൊന്നു തണുപ്പിക്കുന്നവരാണ് ഉഡായിപ്പ് ഉറൂസ് വാദികള്‍
അഥവാ ശവകുടീര ഭകത്നമാര്‍!!
ഉറൂസ് എന്ന ഉറുദു വാക്കിനെ പച്ചമലയാളത്തില്‍ പറഞാല്‍ ഉത്സവം,പൂരം എന്നൊക്കെയാണ്. പണ്ടൊരു തമാശ കേട്ടിരുന്നു ഗള്‍ഫില്‍ മലയാളികളെകൊണ്ട് നടക്കാന്‍ പറ്റുന്നില്ലെന്ന്.ഇന്ന് കേരളത്തില്‍ ഉറൂസും മഖ്ബറകള്‍ കൊണ്ട് നടക്കാന്‍ പറ്റാതായി എന്നതിലേക്ക് വരെ കാര്യമെത്തി. നൂറ്റാണ്ടുകളുടെ പഴക്കമുള്ള വടക്കേ മലബാറിലെ തനതു കലാരൂപമാണ് തെയ്യം. ചിലര്‍ക്കെങ്കിലും ദൈവാവതാരമോ ദൈവമോ ആണ് തെയ്യങ്ങള്‍. പൊട്ടന്‍ തെയ്യം, വാക്കത്തി തെയ്യം,മുക്രിതെയ്യം, മാരി തെയ്യം അങ്ങനെ പോകുന്നു തെയ്യ നാമങ്ങള്‍ .
നാട്ടിലാകെ മഹാമാരി പിടിച്ചപ്പോള്‍ കെട്ടിയാടിയ തെയ്യം പിന്നീട് മാരിദൈവമായി മാറിയെന്നാണ് ചരിത്രം!!ഐതിഹ്യങ്ങളുടെ പിന്‍ബലത്തില്‍ മാത്രമാണ് തെയ്യ സങ്കല്‍പ്പങ്ങള്‍ നാട്ടില്‍ കാണുന്ന രീതിയില്‍ ഉത്സവവും പൂരവും നടക്കുന്നത്.എല്ലാ തെയ്യത്തിന്റെ പിറകിലും ഒരു
ഐതീഹ്യങ്ങളുണ്ട്. അത്തരം തെയ്യങ്ങള്‍ കെട്ടിയാടുന്ന കേരളത്തിലെ തറവാട്ടുകളിലും, അമ്പലങ്ങളിലും നടക്കുന്ന ഉത്സവങ്ങള്‍ പോലെ ചില മപ്പിള സമൂഹം ചില പള്ളികളിലും,മഖ്ബറകളിലും ആചരിച്ച് അഘോഷിച്ച് പോകുന്നതാണ് ഉറൂസ്.രോഗ ശമനത്തിന്, ആഗ്രഹ സഫലീകരണത്തിന്,സന്താന സൌഭാഗ്യത്തിന്,മറ്റ്
കഷ്ടത നീങ്ങാന്‍ വേണ്ടി തെയ്യത്തിന് കാണിക്ക കൊടുക്കുന്ന അതേ സംബ്രദായം ഉറൂസ് കേന്ദ്രങ്ങളിലും കാണുന്നു.ഒരേ വീഞ്ഞ് രണ്ട് കുപ്പിയില്‍ എന്നു മാത്രം.
മാലിക്ക് ദീനാറിന്റെ നേതൃത്വത്തില്‍ ഹിജറ വര്‍ഷം 22 ന്(എ ഡി ഏകദേശം 640 ന്) ഇസ്ലാമിക പ്രബോധനവുമായി വന്നവര്‍ നൂറ്റാണ്ടുകള്‍ പഴക്കമുള്ള തെയ്യ സങ്കല്‍പ്പങ്ങളിലും മറ്റും വിശ്വസമര്‍പ്പിച്ച ജനതയിലാണ് പ്രബോധനം നടത്തിയത്.മതം മാറി ഇസ്ലാമികം മതം സ്വീകരിച്ചെങ്കിലും മുമ്പ് ചെയ്ത പല കാര്യങ്ങളും ഇസ്ലാം മതത്തിലും കടന്ന് കൂടി അതില്‍ പെട്ട ചിലതാണ് പാലുകാച്ചല്‍,കുറ്റിയടിക്കല്‍,മുഹൂര്‍ത്തം നോക്കല്‍,ദിവസങ്ങള്‍ക്ക് ദോഷം കണക്കാക്കല്‍ അങ്ങനെ നീണ്ടു പോകുന്ന കാര്യങ്ങളില്‍ തെയ്യം,പൂരം എന്ന സങ്കല്‍പ്പം അപ്പടി ഉറൂസ് ശവകുടീര പൂജകളായി മാറിയതാകാം.
ഉറൂസ് എന്നത് ഇസ്ലാമിക പ്രമാണങ്ങളുമായി ഒരു വരി തെളിവില്ലാത്ത ഒരു അനാചാരം മാത്രമാണ്. "
ഏക ദൈവാരാധാന മാത്രം" എന്ന ഇസ്ലാമിക
സന്ദേശം പഠിപ്പിക്കാന്‍ കേരളത്തില്‍ വന്ന മാലിക്ക് ദീനാറിനു പോലും മക്ബറയും ഉറൂസുമുണ്ടായി!!മഹാനായ പ്രവാചകന്‍ മൂസ നബി നാല്പതു ദിവസം യാത്രപോയപ്പോള്‍ പശുക്കുട്ടിയെ ദൈവമാക്കിയചരിത്രം ഓര്‍മ്മിപ്പിക്കുന്നു.തെയ്യങ്ങള്‍ കെട്ടിയാടുന്നിടത്ത് നേര്‍ച്ചയാക്കിയാല്‍ കാര്യങ്ങള്‍ സാധിച്ച് കിട്ടുമെന്ന വാദം ഉറൂസെന്ന ഉഡായിപ്പിലും ആള്‍ക്കാര്‍ പയറ്റുന്നു.മുല്ലക്കരസാറിന്റെ പിശാച് ബാധ ഒഴിപ്പിക്കല്‍ പോലെ ഒരു ഉഡായിപ്പ് തട്ടിപ്പ് മാത്രം.
ഇന്ന് കാണുന്ന രീതിയില്‍ ശവകുടീരം കെട്ടിപൊക്കി പച്ച ത്തുണിയും വിരിച്ച് ചന്ദനത്തിരിയും കത്തിച്ച് വിഗ്രഹങ്ങളോട് പ്രാര്‍ഥിക്കുന്ന രീതിയില്‍ പ്രാര്‍ഥിക്കാന്‍ ഇസ്ലാമിക പ്രാമാണങ്ങളില്‍ തെളിവില്ലെന്ന് മാത്രമല്ല അതിനെ ശക്തമായ ഭാഷയില്‍ എതിര്‍ത്തതായും കാണാം.കബര്‍ സിയാറത്ത് (മരണ ചിന്തവളര്‍ത്താന്‍ ,പരലോക ചിന്തവളര്‍ത്താന്‍ ,മരണപ്പെട്ട് കിടക്കുന്നവര്‍ക്കു വേണ്ടിയുള്ള മോക്ഷത്തിന് എന്നിവയ്ക്കുള്ളതാണ് സിയാറത്ത് ) എന്ന ഇസ്ലാമിക പുണ്യമായ ഒരു കാര്യം വളച്ചൊടിച്ച് സിയാറത്ത് ടൂറും ഉറൂസും വരെ നടത്താനുള്ള ത്വരയിലേക്ക് സമൂഹത്തെ പൊരോഹിത്യം എത്തിച്ചു.ആഗ്രഹങ്ങളുടെ സഫലീകരണത്തിനു വേണ്ടിയും,രോഗ ശമനത്തിനു വേണ്ടിയും കബര്‍ സന്ദര്‍ശിക്കുന്നത് മതം ഇഷ്ടപ്പെടാത്ത അനാചാരമാണ്(ശറഹുല്‍ മുഹദ്ദബ്:5/14)
ലോകത്ത് കേരളത്തില്‍ മാത്രമേ ഇത്രയതികം മഖ്ബറകലും ഉറൂസുകളും ഉള്ളൂ എന്ന് സംശയിച്ച് പോകും.മഴയ്ക്ക് മുളക്കുന്ന കൂണുകള്‍ പോലെ ദിനവും മഹാന്മാരുടെ കബറുകള്‍ ഉയരുകയാണ് ഉറൂസ് കെങ്കേമമായി നടക്കുകയാണ്.അമ്മയും ബാവയും ചമഞ്ഞ് ചില നസ്രാണിയുംചില ഹൈന്ദവനും
വിലസുമ്പോള്‍ സഹിക്കാന്‍ വയ്യാതെ നമ്മക്കും ഉണ്ടെടാ എന്നതരത്തില്‍ കാണിക്കാന്‍ വേണ്ടിയുള്ള രീതിയിലേക്ക്
കാര്യങ്ങളെത്തിക്കഴിഞ്ഞു.ഇത്രമാത്രം പുണ്യ പുരുഷ മഹതികള്‍ കേരളത്തിലെ മാപ്പിളമാര്‍ക്കെവിടുന്നു കിട്ടി? പ്രവാചകന്‍ മുഹമ്മദ് (സ) യുടെ അവസാന പ്രസംഗം കേള്‍ക്കാന്‍ മക്കയിലന്നുണ്ടായിരുന്നത് ഒരുലക്ഷത്തിനാല്പതിനായിരം അനുചരന്മാരാണ്.അവരൊക്കെ ദൈവത്തിന്റെ ഇഷടദാസന്മാരായ ഔലിയാക്കളാണെന്നതില്‍ ആര്‍ക്കുമൊരു സംശയമില്ല.അവര്‍ക്കാര്‍ക്കുമില്ലാത്ത ,അറിയാത്ത ഉറൂസ് എന്ന ഉഡായിപ്പ് ഇന്ത്യന്‍ മാപ്പിളക്കെവിടുന്ന് കിട്ടി? സത്യം വിജയിച്ചു അസത്യം പരാചയപ്പെട്ടു എന്ന് മക്കയിലെ തെരുവുകളില്‍ കൂടി വിജയാഘോഷം നടത്തിയ പ്രവാചകനും അനുചരന്മാരും പഠിപ്പിക്കാത്ത ഇത്തരം ഉഡായിപ്പുകള്‍ പൌരോഹിത്യത്തിന്റെ കീശയും പള്ളയും വീര്‍ക്കുന്നത് വരെ നാം കാണേണ്ടിവരും.
ഖബറുകള്‍ മഹാന്മരുടേതാണെങ്കിലും,സാധാരണക്കാരന്റേതാണെങ്കിലും ഭൂമിയുടെ വിതാനത്തില്‍ നിന്ന് കേവലം ഒരു ചാണ്‍ മാത്രമേ ഉയര്‍ത്താന്‍ പാടുള്ളൂ എന്ന് പഠിപ്പിക്കുന്ന മതത്തിലെ ചില ഖബറുകള്‍ കണ്ടാല്‍ ലോകത്തിലെ വമ്പന്‍ ബില്‍ഡിങ്ങായ ബുര്‍ജ്ഖലീഫ വരെ തോറ്റ്പോകും.
പ്രവാചകന്റെ
ഖബര്‍ ഭൂമിയില്‍ നിന്നും കേവലം ഒരു ചാണ്‍ മാത്രമാണുയര്‍ത്തപ്പെട്ടിട്ടുള്ളത്(ഇബ്നു ഹിബ്ബാര്‍ ഹദീസ് നമ്പര്‍-2160,6635.
കെട്ടിയുര്‍ത്തിയ ഒരു
ഖബറും നിരപ്പാക്കാതെ വിടരുത്(മുസ്വന്നഫ് അബ്ദു റസാഖ്-ഹദീസ് നമ്പര്‍:6487)
ഖബറിന്മേല്‍ കുമ്മായമിടുക,അതിന്മേല്‍ ഇരിക്കുക,അതിന്മേല്‍ എടുപ്പുണ്ടാക്കുക എന്നിവ പ്രവാചകന്‍ വിരോധിച്ചിരിക്കുന്നു(സ്വഹീഹ് മുസ്ലിം ഹദീസ് നമ്പര്‍-970)
ഉഡായിപ്പ് വചനം: പഞ്ചായത്ത് വക പുതിയ റോഡ് .. പള്ളിയും ,അമ്പലവും,ചര്‍ച്ചും സംഗമിക്കുന്ന സ്ഥലത്തൊരു ഹമ്പും പാസാക്കി...കാലം കഴിഞ്ഞു....ലോകര്‍ മാറി...ഹമ്പൊരു ശിവലിംഗമാക്കാന്‍ ചിലര്‍ പുറപ്പെട്ടു...പറ്റാത്ത വിഷമത്തില്‍ അവര്‍ പിന്മാറി...!!ഒത്ത നീളം കണ്ടൊരു പൊന്‍ കുരിശുണ്ടാക്കാമെന്ന് കരുതിയവറും പിന്മാറി..!!ഒത്ത നീളം ഒത്ത ഉയരം അടിക്കടാ നോട്ടീസ് വിളിക്കെടാ ലോകറേ...
ഹലേലൂയാ ഹലേലൂയാ ഓം മഖ്ബറായ ന:മ ഹമ്പ് ഉറൂസ് !!
