കീറിയ ലോക ഭൂപടത്തിന്റെ പിന്നിലെ അത്ഭുദം!!

ഒരു കുട്ടി മേശപ്പുറത്തു പിതാവ് വെച്ച ലോക ഭൂപടത്തിന്റെ ചിത്രം കളിക്കുന്നതിനിടയില്‍ തുണ്ടം തുണ്ടമായി കീറി കൊണ്ടിരുന്നു .
ഇത് കണ്ട പിതാവ് ഓടി വന്നു കുട്ടിയെ ശക്തമായ ഭാഷയില്‍ ശകാരിച്ചു.
ശകാരം കേട്ടപാടെ കുട്ടി പൊട്ടിക്കരയാന്‍ തുടങ്ങി .
കീറി തുണ്ടമാക്കിയ ആ പേപ്പര്‍ കഷണങ്ങള്‍ കുട്ടിയെ ഏല്‍പ്പിച്ചു പഴയത് പോലെ  ഒട്ടിച്ചു കൊണ്ടുവരാന്‍ ഏല്‍പ്പിച്ചു ഒരിക്കലും ഒട്ടിച്ചു വെക്കാന്‍ പറ്റാത്ത രീതിയിലുള്ള  ആ പേപ്പര്‍ കൊടുത്ത് പിതാവ് മടങ്ങി .

മടങ്ങി വന്ന ആ പിതാവ് കാണുന്നത്  തന്റെ പൊന്നുമകന്‍   കീറി നശിപ്പിച്ച ആ ലോക ഭൂപടം  പഴയത് പോലെ കയ്യില്‍ കൊണ്ട് വന്നു തന്നിരിക്കുന്നു  !!
കുട്ടിയെ വാരി പുണര്‍ന്നു കൊണ്ട് ആ പിതാവ് ചോദിച്ചു എങ്ങനെയാണ് മോനെ നീ ഇത് നേരെ ആക്കിയത്??നിഷ്കളങ്കമായ ആ ചുണ്ടില്‍ നിന്നും ആ കുട്ടി പറഞ്ഞു ആ ഭൂപടത്തിന്റെ പിറകില്‍ ഒരു മനുഷ്യന്റെ ചിത്രം ഉണ്ടായിരുന്നു ആ മനുഷ്യനെ ഞാന്‍ നന്നാക്കി അപ്പോള്‍ ലോക ഭൂപടവും നന്നായി !!കീറിയ ലോക ഭൂപടത്തിന്റെ പിന്നിലെ അത്ഭുദം കുട്ടി ലോകത്തെ കാണിച്ചു കൊടുത്തു!!

കടപ്പാട് :മായിന്‍ കുട്ടി മേത്തറിന്റെ പ്രസംഗത്തില്‍ നിന്നും കേട്ടത്‌