എന്നെ പിന്തുടരൂ ഇതുവഴി..

I like it....

Monday, March 26, 2012

വിടരും മുമ്പേ....

ഞ്ഞു പുകയിൽ മറഞ ബാഗ്ലൂർ തെരു വീഥി....തണുപ്പിൽ വിറങ്ങലിച്ചു നിൽക്കുന്ന  അക്കേഷ്യ മരം.. അതിനടിയിൽ കൂടി കൈകള്‍ പിറകില്‍ കെട്ടി തണുത്ത് വിറച്ച് നടന്നു നീങ്ങുമ്പോള്‍ ഒരു ചാ വയറു നിറക്കാൻ വേണ്ടി പഴകിയ ചാര നിറത്തിലുള കമ്പിളി കുപ്പായം ധരിച്ച്  തലയ്ക്ക് മുകളില്‍  ഭദ്രമായി വെച്ച കൂട്ടയിൽ ഏതോ കമിതാക്കളുടെ ഇഷ്ട സമ്മാനമാകേണ്ട 'റോസാ പൂക്കള്‍'  ചുമന്ന് നടക്കുന്ന കുറേ കുരുന്നുകൾ.

വീഥികളിൽ കൂടി നടക്കുന്നവരുടെ പിറകെ  റോസാപുഞ്ചിരിയോടെ മുള്ളുകള്‍ വെട്ടി ഒതുക്കിയ ജീവന്‍ തുളുമ്പുന്ന റോസാ പൂവ് നീട്ടി ആ കുരുന്നുകള്‍ തണുത്ത ചോര വറ്റിയ ചുണ്ടുകളോടെ  കുരുന്നുകള്‍ പറയുന്നുണ്ടായിരുന്നു;"സര്‍ പ്ലീസ് ബയ് സാർ..പ്ലീസ് ടേക്ക് സാർ"...ചെമ്പിച്ച മുടിയുള്ള കുട്ടികള്‍ മറുനാടന്‍ ഭാഷ തെറ്റാതെ പറയുമ്പോള്‍ പള്ളിക്കൂടത്തിന്റെ പടിപോലും കാണാത്തവരാണെന്നഭാവം പോലും ആ കുരുന്നു കണ്ണുകളിൽ കാണാനേയില്ല.വിശപ്പിനെന്ത് ഭാഷ അല്ലെ?


ലാറം അതിന്റെ സമയത്തു തന്നെ കൂവാൻ തുടങ്ങി ...കൂടെ  തണുപ്പിന്റെ ശക്തി കൊണ്ട് അവനും ഒന്ന് നെരങ്ങാൻ തുടങ്ങി ....പിന്നെ എല്ലാ  ദിവസവും ചെയ്യുന്ന പോലെ
 പത്തുമിനുട്ട് കൂടുതൽ പുതച്ചു കിടന്നു.സ്കൂൾ കാലത്ത് പുതച്ചു കിടക്കുമ്പോള്‍  അമ്മ വിളിക്കുന്നപോലെ ഇവിടെ വിളിക്കാനാരുമില്ലാത്തതു  കൊണ്ടാവണം അടുത്ത കൂവൽ കേൾക്കുന്നതിനു മുമ്പെ അവൻ  എണീറ്റിരുന്നു... അന്ന് സ്കൂള്‍ ഇന്ന് ഓഫീസ് എന്ന വ്യത്യാസം മാത്രം !!


കണ്ണാടിയുടെ മുന്നിൽ അവസാന മിനുക്കു പണിയില്‍ ഇരിക്കുമ്പോളാണ് ഓര്‍മ്മ വന്നത് ഇന്നല്ലേ ഓഫീസിൽ"വാല്‍ക് ആന്‍ഡ്‌ ഇന്റെർവ്യു"(walk&interview ) ...നല്ല കിളുന്തു പെൺ പിള്ളേർ വരുമായിരിക്കുമല്ലെ? ഉം.. വരട്ടെ കെട്ടാൻ പറ്റിയ വല്ല മല്ലൂസും വന്നാൽ ഒരു കൈ നോക്കാം... "ഇന്റര്‍വ്യുവിനു ഇടയിൽ ചിലവില്ലാതെ പെണ്ണുകാണൽ"!!

റോസാ പൂ പോലെ കവിൾത്തടമുള്ള തവിട്ടുനിറ കമ്പിളി ധരിച്ചു വരുന്ന  ആ ‘പൂക്കാരി കൊച്ച്’ ഇന്നെവിടെപ്പോയ്? അവനറിയുന്ന കന്നഡയിൽ അതിന്റെ  കൂട്ടുകാരിയോട് ചോദിച്ചു "നിൻ ഫ്രെണ്ട് എല്ലി ഹോഗിതു"?"യാറൂ ബസന്തിയാവാ " ...പേര് അറിയാത്ത അവൻ  ആ ..ആ ..എന്ന രീതിയിൽ വെറുതെ തലയാട്ടി..."ഉഷാറില്ല " (സുഖമില്ല ) എന്നോ എന്തോ അവളുടെ മനോഹരമായ എന്നാൽ അവനിക്കു ഒട്ടും മനോഹരമല്ലാത്ത കന്നഡയില്‍ പറഞ്ഞു... ആ കന്നഡ കേട്ട് ബാക്കി അവൻ പൂരിപ്പിചെടുത്തു.

വിചാരിച്ചത് പോലെ തന്നെ തൊഴിൽ ഇല്ലാത്തവരുടെ എണ്ണം നാട്ടിൽ കൂടുന്നുണ്ട് എന്നത് വെറും വാക്കല്ലെന്ന്  വന്ന ആള്‍ക്കാരുടെ സൊറപറ ശബ്ദംകൊണ്ട് തന്നെ മനസ്സിലായി ...
പരിചയമുള്ള വല്ലവരും ഉണ്ടോ എന്ന് അവൻ കണ്ണോടിച്ചു നോക്കി പക്ഷെ ചുരിദാർ ധരിച്ച ഒന്നിനെയും കാണുന്നില്ലല്ലോ ??
ഹും ഞാനെന്തു മണ്ടന്‍!!  ഈ കാലത്തും ചുരിദാറോ അതും ബംഗ്ലൂരിൽ ?പെണ്‍ കുട്ടിയോളൊക്കെ   IT വല്കരിച്ചു ഡ്രെസ്സും ഹെയർ സ്റ്റൈലും ഇനിയും എന്തൊക്കെ കാണണം, എന്നവൻ മനസ്സിൽ പിറുപിറുത്തു.

വെളിച്ചെണ്ണ തേച്ചു മിനുക്കി നല്ല കറുത്ത മുടിയുള്ള ഒരു കൊച്ചു  മുന്നിൽ കൂടി പോയോ എന്നൊരു തോന്നൽ ...
അല്ല തോന്നൽ അല്ല പോയത് തന്നെ എന്ന മട്ടിൽ അവൻ വീണ്ടും ഒളികണ്ണിട്ട്  നോക്കി. ജീന്‍സും ടോപ്പും  തന്നെയാ ഇവളുടെയും വസ്ത്രം. എന്ത് ധരിച്ചാലും ഒരൊറ്റ നോട്ടത്തിൽ തന്നെ മനസ്സിലാകും ഇതൊരു മല്ലു കുട്ടി തന്നെ എന്ന്...

ദിവസങ്ങൾ കൊഴിഞു പോയ് അവൻ അറിയാതെ തന്നെ  ആയുസ്സും അതോടപ്പം ചുരുങ്ങി പോകുന്നുണ്ടായിരുന്നു!!

അവസാനം കഴിഞ ഇന്റര്‍വ്യുവിനു പാസായ ഓരോരുത്തരും ജോയിൻ ചെയ്യുന്നുണ്ട് പത്തു പേരെയാ എടുത്തത് .“സ്വപ്നവും പേറി അവരും യാന്ത്രിക ജീവിതം തുടങ്ങാൻ പോകുന്നു അല്ലെ?” എന്നു ചുണ്ടിൽ ചിരി ഒളിപ്പിച്ചു അവൻ  പറയുന്നുണ്ടായിരുന്നു.

ഇന്ന് ആ കുട്ടിയും ജോയിൻ ചെയ്തു ആ മല്ലൂസ് കുട്ടി !! എന്തോ അവൻ  ഒന്നും മിണ്ടിയില്ല “എന്തിനാ വെറുതെ ഞാൻ എന്റെ വില കളയുന്നത് അല്ലെ?? “ഇല്ലാത്ത വില“ എന്ന് ഓർത്തത് കൊണ്ടാവും ചുണ്ടിൽ വീണ്ടും ചിരി പൊട്ടി.ചിലപ്പോൾ പണ്ട് കോളേജിൽ പഠിക്കുമ്പോൾ ഒലിപ്പിച്ചു നടക്കുന്ന പിള്ളേരെ പോലെ ആകേണ്ട എന്ന് കരുതിയാവും അവൻ അങ്ങനെ ചിന്തിച്ചത്.

പക്ഷെ  മസ്സിൽ പിടിച്ചു നിൽക്കാൻ അതിക നാൾ അവനു  പറ്റിയില്ല.ദിവസങ്ങൾക്കുള്ളിൽ  നല്ല സുഹുർത്തായി മാറുകയും ചെയ്തു ...എല്ലാം പരസ്പം പറയുന്ന രീതിയിൽ സുഹൃത്ത് ബന്ധം വളരാൻ ഏറെ സമയം ഒന്നും അവർക്കു വേണ്ടി വന്നില്ല.

ഒരു പാവം ഏറനാട്ടുകാരി പക്ഷെ പഠിച്ചതൊക്കെ ഇവിടെ തന്നെ അത് കൊണ്ട് അവനെക്കാളും കഴി വുള്ളവൾ എന്നർഥം!
ജോലി തിരക്കിനിടയിലും നല്ല ഒരു സുഹൃത്തുണ്ട്  എന്ന സമാധാനം അവനുണ്ടായിരുന്നു അവൾക്കുണ്ടോ എന്നവനറിയില്ല.

അവസാനത്തെ ഇ-മെയിലും വായിച്ചു ലപ്ട്ടോപ്പിന്റെ സ്ക്രീനിൽ കാണുന്ന മൂലയിലെ ഷഡ് ഡൌണ്‍ ബട്ടൺ മൗസ് കൊണ്ട് ക്ലിക്കി.മനസ്സല്ലാമനസ്സോടെ പതിയെ ശബദത്തിൽ വിൻഡോസ് പ്രോഗ്രാമുകൾ കണ്ണടക്കുന്നത് കാണുമ്പോൾ തന്നെ കൂടെ  ഒന്ന് കണ്ണടച്ചു കിടക്കാൻ അവനു തോന്നി...നാളെ സൺഡേ എന്ന സമാധാനം മാത്രമേ അപ്പോൾ  അവനുണ്ടായുള്ളൂ.
ഓഫീസിൽ നിന്നും അവളോടൊത്തിറങ്ങി.....അപ്പോഴേക്കും നാളത്തെ അവദി ദിവസം ആഘോഷിക്കാൻ റോഡിലേക്കിറങ്ങിയ അടിച്ച് പൊളി പയ്യന്മാരുടെ ബൈക്കുകൾ കൊണ്ട് എം ജി റോഡ്‌ നിറഞ്ഞിരുന്നു...

ആ തവിട്ടു നിറ കമ്പിളിക്കാരി അവന്റെ  അടുത്തേക്ക്‌ ഓടി വന്നു അവളുടെ മുഖത്ത് മാറി മാറി നോക്കി എന്നിട്ട് ബ്രോക്കെൺ ഇംഗ്ലീഷിൽ പറഞു ടേക്ക് സാർ ടേക്ക് സാർ ..ഗിവ് ടു യുവർ ഗേൾ ഫ്രെണ്ട്, മാം ടേക്ക് മാം ടേക്ക് മാം ഗിവ് ടു യുവർ ബോയ്‌ ഫ്രെണ്ട് !!റോസാ പൂവ് വാങ്ങാന്‍ വേണ്ടി പൂക്കാരി കുട്ടികൾ സ്ഥിരം ചെയ്യുന്ന പരിപാടിയാണിത്.എന്നും ഈ കാഴ്ച്ച കൌതുകത്തോടെ കാണാരുണ്ടായിരുന്നു  ഇന്നത് കുട്ടികൾ എന്നോട് തന്നെ പ്രയോഗിച്ചല്ലോ?

കയ്യിലേക്ക് വെച്ച് തന്ന റോസാ പൂവ് എന്ത് ചെയ്യണം എന്നറിയാതെ അവൻ ആകെ പരുങ്ങി അവനെക്കാൾ ഏറെ ചമ്മൽ അവളിൽ  അവൻ കാണുന്നുണ്ടായിരുന്നു.സ്വപനത്തില്‍ എന്ന പോലെ പൂവ്  അവളിലേക്ക് നീട്ടി ....അവൻ കൊടുത്ത റോസാപൂവ് അവൾ വാങ്ങിയ സന്തോഷത്തിലാണോ എന്നറിയില്ല ആ കമ്പിളിക്കാരി റോസപൂവ് പോലെ ചിരിച്ചു കൊണ്ടിരുന്നു.
എം ജി റോഡിലെ ചെത്ത് പയ്യന്മാരുടെ കാതടപ്പിക്കുന്ന ബൈക്കിന്റെ ശബ്ദം ആരോസരമായിരുന്ന അവനിന്നു അതൊരു ഒരു കല്യാണ കച്ചേരിയുടെ അനുഭൂതി !!

അങ്ങനെ പ്രണയിച്ചു കൊതി തീരും മുമ്പേ വീട്ടുകാരുടെ  നിര്‍ബന്ധത്തിനു വഴങ്ങി എല്ലാ കമിതാകളുടെയും അവസാനം പോലെ തന്നെ ഒരു മാറ്റവും ഇല്ലാതെ തന്നെ ഇവിടെയും സംഭവിച്ചു.
ജാതിയും മതവും നോക്കേണ്ടി വന്നില്ല പൊരുത്തം മാത്രം നോക്കണം. പൊരുത്തമില്ലെങ്കിൽ പോലും പോരുത്തപെട്ടു ജീവിക്കാൻ അവർ തയ്യാറായിരുന്നു. ആരെയോ ഒന്ന് സമാധാനിപ്പിക്കാൻ വേണ്ടി മാത്രം ഒരു പൊരുത്തം നോക്കൽ അതും നടന്നു പിന്നെ എല്ലാം വളരെ പെട്ടെന്നായിരുന്നു... കുടുംബക്കാർ വന്നു പന്തലിട്ടു ..സദ്യ വിളമ്പി...

അങ്ങനെ എല്ലാം ...എല്ലാം ഒരു സ്വപ്നം പോലെ കഴിഞ്ഞു ...രണ്ടാളുടെയും ലീവുകൾ തീർന്നത് അറിഞതേ ഇല്ല വീണ്ടും പഴയ തട്ടകത്തിലേക്ക് തന്നെ ...ഒരു ബാച്ചിലർ ആയി ബംഗ്ലൂർ നഗരം വിട്ട അവൻ ഒരു കുടുംബ നാഥന്റെ  കിരീടവും ചെങ്കോലും വെച്ചാണ് തിരിച്ചു വന്നത് .
തണുപ്പിന്റെ  ആലസ്യത്തിൽ ശിഖിരങ്ങളിൽ നിന്നും കൊഴിഞു പോകുന്ന ഇലകൾ പോലെ  പ്രിയതമയോടോത്തുള്ള ദിവസവും അങ്ങനെ യാന്ത്രികമായി കൊഴിഞു പോകുന്നത് അവൻ യാന്ത്രികമായി നോക്കി കണ്ടു.

ഓഫീസിൽ  പോകാനുള്ള ഒരുക്കത്തിനിടയിൽ എന്തോ ഒരു വല്ലായ്മ അവളിൽ അവൻ  കണ്ടു ,എന്താ എന്ന് ചോദിക്കാൻ തുനിയുമ്പോഴേക്കും അവൾ അവന്റെ  മാറത്തേക്ക് തല ചായ്ച്ച് വീണിരുന്നു !!
എന്ത് സംഭവിച്ചു എന്നറിയാതെ പരിഭ്രാന്തിയിൽ അവളെയും കൊണ്ട്  അടുത്തുള്ള ഹോസ്പിറ്റലിലേക്ക് വണ്ടിയും കൊണ്ട് ചീറി പാഞ്ഞു ..എന്ത് ചെയ്യണം എന്നറിയാതെ ആരോട് പറയും എന്നറിയാതെ ...
ഒരു സമാധാനത്തിനു വേണ്ടി അമ്മയെ വിളിച്ചു കാര്യം പറഞ്ഞാലോ എന്ന് കരുതി വിളിച്ചു ....എന്താ മോനെ സുഖമല്ലേ ?അവളെവിടെ ? എന്നൊക്കെ അവൻ എന്തെങ്കിലും പറയുന്നതിനു മുമ്പെ അമ്മ ചോദിച്ചു തുടങ്ങി..അമ്മെ ഒന്നുമില്ല അവള്‍ക്കു പെട്ടെന്നൊരു തലകറക്കം ഇപ്പോൾ ഹോസ്പിറ്റലിലാണ് അമ്മയും  എന്നെ പോലെ  വിഷമിക്കും എന്ന് കരുതിയ  അവൻ ആകെ അമ്പരന്നു പോയി.ഒരു ചിരിയോടെ അമ്മ പറഞ്ഞു  കൊണ്ടേ ഇരുന്നു അവളോട്‌ ശരീരം ശരിക്കും നോക്കാൻ പറ മോനെ നല്ല പച്ച മാങ്ങയൊക്കെ കിട്ടോ മോനെ അവിടെ ??
എന്നൊക്കെ ചോദിക്കുമ്പോൾ അവനു കാര്യം പിടികിട്ടി ...ഞാൻ ഇത്ര വൈകിയാണോ കാര്യം   അറിയുന്നത്?പിന്നെ അങ്ങോട്ടുള്ള ദിവസങ്ങൾ അവള്‍ക്കു ആലസ്യത്തിന്റെയും അവനു ആകാംക്ഷയുടെയും ....

ദിവസങ്ങൾ പിന്നിട്ടു വയറ്റിൽ വളരുന്ന കുട്ടിക്ക് എന്തൊക്കെ ചെയ്യണം എന്ന് ഒരു മുത്തശ്ശിയെ പോലെ പറഞ്ഞു  കൊടുക്കാൻ അവൻ തുടങ്ങി ഇന്റർ നെറ്റിൽ നിന്നും പരതികൊണ്ടാണെങ്കിലും...

അതിനിടയിൽ നാട്ടിൽ നിന്നും അമ്മക്ക് സുഖമില്ല ഹോസ്പിറ്റലിലാണ് എന്ന് പറഞു അച്ഛൻ വിളിച്ചു ഒരു ശസ്ത്രക്രിയ ഹൃദയത്തിൽ കഴിഞതാണ് അതിന്റെ  വല്ല കാരണവും? എന്തോ അമ്മക്ക്   കാണണം എന്ന്,അവളെ ഒറ്റക്കാക്കി എങ്ങനെ പോകും എന്നതായി പിന്നെ ചിന്ത.  ഡോക്ടർ പറഞതാണ്  ദൂര യാത്ര ഒഴിവാക്കണമെന്ന്. 
അമ്മക്ക് ആണായിട്ടും പെണ്ണായിട്ടും നിങ്ങൾ ഒരൊറ്റ ആളല്ലേയുള്ളൂ ,മൂന്നാല് ദിവസത്തെ കാര്യമല്ലേ പോയ്‌ വാ എന്ന അവളുടെ സ്നേഹ സല്ലാപത്തിൽ  അവന്‍ വണ്ടി കയറി.

അമ്മയെ  കണ്ടു സമാധാനിപ്പിച്ചു കാര്യമായി ഒന്നുമില്ല 
തിരച്ചു വരാൻ ഒരുങ്ങുപോളും അവളുടെ കാര്യത്തിൽ ശ്രദ്ധ വേണം പിന്നെ കുറെ നാടൻ മരുന്നുകളുടെ ഒരു നീണ്ട കഥ തന്നെ അമ്മ പറയുന്നുണ്ടായിരുന്നു എല്ലാം മൂളി കേട്ട് മാത്രം ഇരുന്നു .
പ്രതീക്ഷിച്ച പോലെ ട്രെയിൻ ടിക്കെറ്റ് കിട്ടിയില്ല ഇനി ഒരൊറ്റ വഴിയെ ഉള്ളു ബസ്‌ ചുരം കേറി ഇഴഞു പോകുന്ന ബസ്‌ ...നാളെ മുതൽ ജോലിയിൽ കയറണം എമർജൻസി ലീവ് കഴിയും ഒന്നും ചിന്തിക്കാൻ നിന്നില്ല ബസ്‌ എങ്കിൽ ബസ്‌...
ഏതോ അടിച്ചു പൊളി പാട്ടിന്റെ  താളത്തിൽ  ബസ്‌ ചുരം കയറി കൊണ്ടേ ഇരുന്നു അവന്റെ സ്വപ്നവും അതോടപ്പം കയറുന്നുണ്ടായിരുന്നു. മയക്കത്തിലേക്ക് മെല്ലെ കണ്ണുകൾ അടഞ്ഞു .... എല്ലാം ഒരു നിമിഷ നേരം കൊണ്ട് തകിടം മറിഞ്ഞു ആ കണ്ണുകൾ എന്നന്നേക്കുമായി.....!!

രണ്ടു ബസ്സുകൾക്കു കഷ്ട്ടിച്ചു പോകാൻ മാത്രം വീഥി ഉള്ള റോഡിൽ സ്വപ്നങ്ങൾ  ഇല്ലാത്ത ഒരു ഡ്രൈവർ അതി സാഹസികമായി ഓവർ ടേക്ക് ചെയ്തതാണ് എന്നാ പ്രാഥമിക നിഗമനം എല്ലാ സ്വപ്നവും ആ ചുരത്തിൽ നിന്നും കൊക്കയിലേക്ക് മറിഞ്ഞു വീഴാൻ അതിക സമയം വേണ്ടി വന്നില്ല.  ഉറക്കമായത് കൊണ്ടോ ആവോ സ്വപ്നം പോലെ തന്നെ അതിലെ യാത്രികർ ആരും നിലവിളിച്ചില്ല !!അതിനു സമയം ഉണ്ടായില്ല അപ്പോഴേക്കും എല്ലാം കത്തി അമർന്നിരുന്നു...

പ്രിയതമനെ കാത്തിരുന്ന അവൾക്കു കിട്ടിയ വാർത്ത അവളെ എന്തന്നില്ലാത്ത ഒരു അന്ധതയിലേക്കു കൊണ്ട് പോയ്‌ ...വയറ്റിൽ വളരുന്ന ചോര ? എന്റെ  ഭാവി ? ഇനി എന്ത് ?എന്ന വളഞ ചോദ്യ ചിന്ഹം മാത്രം അവളുടെ മുന്നിൽ  നിവർന്നു നിന്നു!

ആശുപത്രി കിടക്കയിൽ നിന്നും ആശുപത്രി കിടക്കിയിലേക്ക് ആ അമ്മ വീണ്ടും എത്തിപെട്ടു.
എന്റെ പൊന്നുമോൻ ഞാൻ കാരണം എന്ന് ആ അമ്മ പിറുപിറുത്തു കൊണ്ടേ ഇരുന്നു ..
അപ്പോളും ഒരു കാര്യം മാത്രം ഉള്ളത് അവന്റെ ചോര ദൈവം ഭൂമിയിൽ വിട്ടേച്ചു പോയിട്ടുണ്ടല്ലോ എന്ന സമാധാനം മാത്രം!!

ദിവസങ്ങൾ വീണ്ടും കഴിഞു എല്ലാം മറക്കാൻ ശ്രമിക്കുന്നു പക്ഷെ ആർക്കും ഒന്നും മറക്കാൻ പറ്റാത്ത അവസ്ഥയിൽ .
പെട്ടന്നൊരു ദിവസം യാദ്രിചികമായി ഒരു ഫോൺ വിളി, അമ്മെ... ഇത് ഞാനാ എന്ന് അവൾ പറഞതും ഒരു കുറ്റബോധത്തോടെ എന്ത് പറയണം എന്നറിയാതെ ആ അമ്മ .....?
ഞാൻ ഇന്നലെ വന്നു ഇപ്പോൾ ഹോസ്പിറ്റലിൽ നിന്നുമാണ് വിളിക്കുന്നത്‌ ...എന്ത് പറ്റി മോളെ ഞാൻ അങ്ങോട്ട്‌ വരണോ എന്ന് ചോദിച്ച ആ അമ്മയുടെ കാതുകൾക്കു വിശ്വസിക്കാൻ പറ്റാത്ത രീതിയിൽ അവൾപ്രതികരിച്ചു... 
"ഒന്നും പറ്റിയില്ല എന്തെങ്കിലും പറ്റാതിരിക്കാൻ വേണ്ടിയാണ് വന്നത്" !!
എനിക്കും ഒരു സ്വപ്നമുണ്ട്!! എനിക്കും ജീവിക്കണം !! എന്നൊക്കെ അവൾ പറയാതെ തന്നെ അവളുടെ പ്വരുക്കൻ വക്കുകളിൽൽ നിന്നും അമ്മ വായിച്ചെടുത്തു ....
മോളെ നീ ചെയ്യരുത് നീ അതിനെ കൊല്ലരുത് കൊല്ലരുതേ ...മോളെ ...എന്റെ  മകനെ ഓര്‍ത്തെങ്കിലും മോളെ നീ കൊല്ലരുതേ ...!! എന്ന് ഒരൊറ്റ മകൻ നഷ്ടപ്പെട്ട വേദനയിൽ ഹൃദയം പൊട്ടി ആ അമ്മ പരിസരം മറന്നു പോട്ടിക്കരയുംപോൾ സമാധാനിപ്പിക്കാൻ പോലും ആരും ഇല്ലാതെ... അപ്പോഴേക്കും മാതൃത്വങ്ങൾ  അവിടെ മരിച്ചു വീണിരുന്നു!!


Friday, March 23, 2012

HIV എന്ന ആണവായുധം?

നൂറ്റാണ്ടുകൾക്കു മുന്നേ മനുഷ്യൻ തീ കണ്ടു പിടിച്ചു അത് ഭക്ഷണം പാകം ചെയ്യാനോ അതോ അയൽ ഗോത്രങ്ങൾ താമസിക്കുന്ന ഗുഹാ മുഖാത്ത് തീ വെച്ച് അവരെ നശിപ്പിക്കാനോ എന്നു നമുക്ക് അറിയില്ല.കാരണം കണ്ടു പിടിച്ച പല കണ്ടുപിടുത്തങ്ങളും മനുഷ്യൻ ദുരുപയോഗമാണ് ചെയ്തത് എന്ന് വിഷദീകരണത്തിന്റെ  ആവശ്യം ഇല്ലതെ തന്നെ നമുക്ക് അറിയുന്ന ഒരു പരമ രഹസ്യമായ പരസ്യമാണ്.

ആയിരത്തി തൊള്ളായിരത്തി എൺപതുകളിൽ മാത്രം കേട്ട് പരിചയ പെട്ട ഒരു മഹാ മാരിയാണ് AIDS! അതിനു മുമ്പ് നമുക്ക് പരിചയം ഉള്ള മഹാ മാരികൾ “കോളറയും,കുഷ്ട്ടവുമൊക്കെയാണ്. അങ്ങനെ ഉള്ള മഹാ മാരികളെ തുരത്താൻ പണ്ടത്തെ ജനങ്ങൾ ഒരു പുതിയ ആരാധന മൂർത്തികൾ തന്നെ  ഉണ്ടായി അതാണു ഇന്നു ചില നാട്ടിൻ പുറങ്ങളിൽ കാണുന്ന “മാരിയമ്മയും,മാരിതെയ്യങ്ങളും.


HIV(Human immunodeficiency virus) എന്ന ഒമനപ്പേരിൽ നമ്മൾ കേട്ട് പരിചയം ഉള്ള AIDS(Acquired immune deficiency syndrome) .
എല്ലാ വർഷവും ഡിസംബർ ഒന്നാം തിയ്യതി പത്രങ്ങളിലെ ഒന്നാം പേജിൽ ചുവന്ന റിബ്ബൺ കാണുമ്പോൾ പാവം ആഫ്രിക്കയിലെ കുരങ്ങൻ മാരെ ശപിച്ച് കൊണ്ട് ആ മാസം തുടങ്ങും.പക്ഷെ നമ്മൾ ചിന്തിക്കുന്നതിലും അപ്പൂറമാണ് ഈ മഹാ മാരി ഇന്നു ലോകത്തു വാഴുന്നത് എൺപതുമുതൽ രണ്ടായിരത്തി ഏഴു വരെ ഇരുപത്തിഅഞ്ച് മില്ല്യൺ ജനങ്ങളെയാണ് ഇതുവരെ ഈ മഹാമാരി കൊല ചെയ്തത് എന്നാണ് കണക്ക് അതിനെക്കാൾ ഏറെ പേർ വൈറസ് പിടിപ്പെട്ട് പ്രധിരോധ ശേഷി നഷട്ടപ്പെട്ട് ജീവച്ചവമായി കഴിയുന്നുണ്ട് അതിൽ ഒന്നും അറിയാത്ത കോടിക്കണക്കിനു കുരുന്നുകളും!. ആയിരക്കണക്കിനു മനുഷ്യർക്ക് ദിനേന HIV വൈറസ് പിടിപെടുന്നുണ്ട് എന്നണു കണക്കുകൾ അതിൽ പത്തു ശതമാനവും നമ്മുടെ ഭാരതത്തിൽ!! വരും ദിവസങ്ങളിൽ നമ്മുടെ കൺ മുന്നിൽ നിന്നും AIDS രോഗികളുടെ  രോദനം കേൾക്കുന്ന അവസ്ഥ നമ്മുക്കും ഉണ്ടാകും എന്നർഥം!! അങ്ങനെ കാണേണ്ട ഒരു സാഹചര്യം ഉണ്ടാവരുതേ എന്ന് ആത്മാർഥമായി പ്രാർഥിക്കുന്നു. കണക്കുകൾ  നിരത്തി ആധികാരികമയി എഴുതാൻ ഞാൻ ആളല്ല.ഇവിടത്തെ വിശയവും അതല്ല.

നമുക്ക് എല്ലാവർക്കും അറിയുന്ന ഒരു “സത്യം“ ഉണ്ട്  എയിഡ്സ്  മനുഷ്യരിൽ വന്നത് കുരങ്ങു വഴിയാണ് എന്ന പച്ചക്കള്ളമായ ഒരു സത്യം? മുമ്പത്തെ ഒരു പോസ്റ്റിൽ ഞാൻ പറഞു എന്ത് വേണ്ടാത്തരവും ചെയ്ത് പാവം മ്രഗങ്ങളൂടെ തലയിൽ കെട്ടി വെക്കുന്ന പരിപാടി ഇന്നും  ഇന്നലേയും തുടങ്ങിയത് അല്ല എന്നർഥം.

ആഫ്രിക്കയിലെ കുരങ്ങിൽ നിന്നുമാണു HIV രോഗാണു ഉണ്ടായത് എന്നാണു പൊതു അറിവ്.എന്നാൽ ഒരൊറ്റ കുരങ്ങു പോലും എയിഡ്സ് പിടിച്ച് നരകിച്ച് മരിച്ചതായി ഒരു ശാസ്ത്രവും ഇതുവരെ കണ്ടെത്തിയില്ല എന്നാണ് സത്യം.എന്നാൽ  കുരങ്ങിൽ നിന്നും മനുഷ്യ ശരീരത്തിൽ അണുക്കൾ “മൃഗ രതി” മൂലം ആദിവാസികൾ ആയ മനുഷ്യരിൽ  വന്നു എന്നാണു ശാസ്ത്രത്തിന്റെ കണ്ടെത്തൽ!! നമ്മൾ “കാടൻമാർ“ എന്നു വിശേഷിപ്പിക്കുന്ന ഒരു ആദിവാസി സമൂഹത്തിനും പരിചയമില്ലാത്ത രണ്ട് "രതി" രീതിയാണ് മൃഗരതിയും ,സ്വവർഗ രതിയും അത് പരിഷ്കാരികൾ ആയ സംസ്കാരമുള്ള “നാടൻ മാരുടെ" രീതിയാണ്.

ജേക്കബ് സീഗളും ലില്ലി സീഗളും ചേർന്ന് The Origin Of AIDS എന്ന  ഒരു പ്രബന്ധം എഴുതുകയുണ്ടായി അതിൽ അവർ പറയുന്ന കാര്യങ്ങൾ പുറം ലോകം അത്ര അങ്ങ് കേൾക്കാത്ത കാര്യങ്ങളാണ്.അധോലോകത്തെ തെമ്മാടികളെ ബന്ധികളാക്കി ജയിലിൽ അടക്കുന്നു. മൂന്നു മാസം കഴിഞാൽ പുറത്തു വിടാം എന്ന കരാറിന്റെ അടിസ്ഥനത്തിൽ വൈറസ് ആണെന്നു പറയാതെ അവർക്കു ഇൻഞ്ചക്ഷൻ കുത്തിവെക്കുന്നു .ദിവസങ്ങൾ   കൊണ്ട്  അവരുടെ ശരീരം ഇല്ലതാക്കും എന്നു കരുതിയവർക്കു തെറ്റി.കരാരിന്റെ അടിസ്ഥനത്തിൽ അവർ പുറത്ത് വന്നു. ശരീരത്തിൽ കയറിയ വൈറസുകൾ വർഷങ്ങളോളം “ഉറങ്ങി” കിടന്നു. അധോലോകത്തിൽ നിന്നും വന്ന തെമ്മാടികൾ വീണ്ടും അവരുടെ പഴയ ജീവിത രീതിയിൽ തന്നെ തുർന്നു  സ്വവർഗ രതിയും,മയക്കു മരുന്നും ,വേശ്യാ സഹവാസവും ആയി കൊണ്ട് തന്നെ. അവർ മുഖേനയാണ് ലോകത്ത് എയിഡ്സ് പടർന്നു എന്നാണ് സീഗൾ മാരുടെ കണ്ടെത്തലുകൾ.ആദ്യമായി എയിഡ്സ് റിപ്പോർട്ട് ചെയ്തതും പെന്റഗണിൽ ആണെന്നും അവർ സമർഥിക്കുന്നു.

സ്വന്തം ചെയ്തികളാൽ വന്ന തെറ്റുകൾ ദരിദ്ര രാജ്യങ്ങളുടെ ചുമലിൽ കെട്ടിവെക്കുന്ന പരിപാടി ലോക പൊലീസ് കളിക്കുന്നവർക്കുള്ള കാര്യം പറയാതെ തന്നെ എല്ലാവർക്കും അറിയുന്ന കാര്യമാണ്. അപ്പോൾ ഏതെങ്കിലും രജ്യത്തേയോ ഒരു ജന സാമൂഹത്തേയോ നശിപ്പിക്കാൻ വേണ്ടി കണ്ടുപിടിച്ച “ആയുധം “ആയിരിക്കുംHIV  എന്നും തള്ളിക്കളയാൻ പറ്റില്ല.അതിനുള്ള ഏറ്റവും വലിയ ഉദാഹരമാണ് ലോകത്തു വിപ്ലവകരമായ മാറ്റങ്ങൾ ഉണ്ടാകും എന്നു പറഞ്ഞു  കണ്ടു പിടിച്ച ആണവോർജ്ജം , ഒന്നും അറിയാത്ത ലക്ഷക്കണക്കിനു പച്ച മാംസങ്ങളുടെ മേലെ അതും ഉറങ്ങി കിടക്കുന്ന ഹിരോഷിമയിലും നാഗസാക്കിയിലും പ്രയോഗിച്ചത്.

കണ്ടു പിടുത്തങ്ങള്‍ കണ്ടു പിടിച്ചു കൊണ്ടേയിരിക്കും കൂടെ കുറേ പച്ച മാംസവും നശിച്ച് കൊണ്ടേയിരിക്കും!!


Thursday, March 15, 2012

786 ഉം മാപ്പിളയും


മതങ്ങളില്‍ വല്ല ആചാരവും ആഘോഷവും അനുഷ്ഠാനമാക്കണമെങ്കില്‍ മത ഗ്രന്ഥങ്ങളിൽ പ്രാമാണികമായ തെളിവുകൾ വേണം അത് പോലെ തന്നെ വല്ല ചിഹ്നങ്ങളും മതത്തിന്റെ ചിഹ്നമായി കാണണമെങ്കിൽ അതിനും വ്യക്തമായ തെളിവുകൾ വേണം അല്ലാത്തത് എല്ലാം തള്ളണം അതാണ് മത നിയമം.മത ഗ്രന്ഥങ്ങളുടെ പിന്തുണയില്ലാതെ കാലക്രമേണ പല ചിഹ്നങ്ങളും ആചാരങ്ങളും മതത്തിന്റെ അടയാളമായി മാറിയിട്ടുണ്ട്. 
അത്തരം ഒരു പിന്തുണയുമില്ലാതെ മതത്തിന്റെ ചിഹ്നമായി കടന്നു കൂടിയ-
ഒരു അക്കമാണ് മാപ്പിളമാരില്‍ ചിലര്‍ പിരിശത്തോടെ കൊണ്ട് നടക്കുന്ന "786" !!
ഈ കേവല മൂന്നക്കങ്ങള്‍ മാറോടു ചേർത്തുപിടിക്കുന്ന പല മാപ്പിളമാര്‍ക്കും ഇത് എങ്ങനെ മതത്തിന്റെ ചിഹ്നമായി എന്ന് ചോദിച്ചാല്‍ കൈമലര്‍തത്തും എന്നതാണ്‌ പരമ സത്യം.

സംഖ്യാ ശാസ്ത്രം വഴിയാണ് "786"എന്ന ഈ മൂന്നക്കം മാപ്പിള സമൂഹത്തിലെ ചില 
വിഭാഗങ്ങളില്‍  വന്നു എന്നാണ് വെപ്പ്.പക്ഷെ ഇസ്ലാം മത പ്രമാണങ്ങളില്‍ സംഖ്യാശാസ്ത്രം,ജ്യോതിഷം,കൈനോട്ടം എന്നിവ ശക്തമായ ഭാഷയിൽ എതിർത്തതായിട്ടാണ് കാണുന്നത്.മുസ്ലിംകളുടെ വിശുദ്ധ ഗ്രന്ഥ മായ ഖുറാനിലെ നൂറ്റി പതിനാലു അദ്ധ്യായങ്ങളില്‍ നൂറ്റി പതിമൂന്നും തുടങ്ങുന്നത്  'ബിസ്മില്ലാഹി റഹ്മാനി റഹീം'-"പരമ കാരുണികനും കരുണാനിധിയുമായ ദൈവത്തിന്റെ നാമത്തില്‍" എന്ന വാചകത്തോടെ കൂടിയാണ് (ഒരു അദ്ധ്യായത്തില്‍ മധ്യഭാഗത്ത് ആ വാചകം ഉണ്ടായത് കൊണ്ട് തുടക്കത്തില്‍ ഇല്ല എന്നേയുള്ളൂ) "ബിസ്മിയുടെ"ചുരുക്ക മാണ് "786" എന്നാണ് ഇത് വ്യാപകമായി എഴുതിയും മറ്റും മാറോട് ചേര്‍ക്കുന്നവരുടെ  കാഴ്ച്ചപാട്.ഏത് നല്ല കാര്യങ്ങൾ തുടങ്ങുമ്പോഴും മുസ്ലിങ്ങൾ ബിസ്മി ചൊല്ലി തുടങ്ങുന്നു.“പരമ കാരുണികനും കരുണാനിധിയുമായ  അല്ലാഹുവിന്റെ നാമത്തിൽ ആരംഭിക്കുന്നു”എന്നാണ് ഇതിനർത്ഥം.
ഇന്ത്യ,പാക്കിസ്ഥാന്‍,ഇറാന്‍ തുടങ്ങിയ രാജ്യത്തെ ചിലരാണ്   "786"വ്യാപകമായി ഉപയോഗിച്ച് വരുന്നത്.ഇസ്ലാം മതം ലോകത്ത് പ്രച്ചരിച്ചത് അറേബ്യ വഴിയാണ് എന്നാല്‍ അന്നാട്ടുകാർക്കൊട്ടും പരിചയവുമില്ല  "786"എന്നതാണ്  വേറൊരു രസം.കേരളത്തിൽ "786"എന്ന അക്കത്തിനു എത്രത്തോളം പ്രചാരമുണ്ട് എന്നറിയാൻ അത് വിശ്വസിക്കുന്നവരുടെ പള്ളികൾ മുതൽ ശ്മശാനം വരെ പോയാൽ മതി.പല പള്ളി വാതിലിനു മുകളിലും പള്ളി മിനാരങ്ങളിലും കൊത്തു പണികളോടും അലങ്കാരങ്ങളോടും കൂടി "786"കാണാത്തവര്‍ വിരളമായിരിക്കും.അത് വളരെ ആദരവോടെ എഴുതിയും പോകുന്നു. "786"ൽ വിശ്വസിക്കുന്നവരുടെ ശ്മശാനത്തിൽ പോയാൽ “ചത്ത് കിടന്നാലും ചമഞ്ഞു കിടക്കണം“ എന്നൊരു പഴഞ്ചൊല്ല് ഓർമ്മ വരും.എന്തെന്നാൽ വളരെ സമർഥമായി "786"കബറിന്റെ മുകളിലുള്ള മീസാൻ കല്ലില്‍ എഴുതി വെച്ചതു കാണാം. ആ ഫലകത്തിന്റെ മുകളിൽ മരിച്ചു കിടക്കുന്ന വ്യക്തിയുടെ ഊരും പേരും പിന്നെ"786"ഉം എഴുതിവെച്ചത് കാണാം(കബറിന്റെ തല ഭാഗത്ത് വെക്കുന്ന ഈ മീസാൻ കല്ലിനും മതത്തിന്റെ പ്രമാണങ്ങളിൽ ഒരു വരി പോലും തെളിവില്ല പിന്നെ എന്തിനു ഈ കല്ല് വെച്ചു എന്നു അന്വേഷിച്ചാൽ മുകളിൽ കൊടുത്ത“പഴഞ്ചൊല്ല് “ മാത്രമായിരിക്കും ഉത്തരം)

ഇന്നത്തെ ഒരു ശരാശരി മാപ്പിളകൾ പോലും ചിലപ്പോൾ എന്താണ് ,എന്തിനാണ് എന്നറിയാതെയും "786"ഉപയോഗിക്കുന്നുണ്ട്.ഉദാഹരണത്തിനു കല്ല്യാക്ഷക്കത്ത് മുതൽ കച്ചവടത്തിലെ കണക്കു പുസ്തകത്തില്‍ വരെ 'ഏതോ ഒരു നിഗൂഡ'വിശ്വാസത്തിന്റെ ഭാഗമായിക്കൊണ്ട് എഴുതിവെക്കുന്നു.അവരൊക്കെ അതിനര്‍ത്ഥം കൊടുക്കുന്നതും “ദൈവനാമത്തിൽ” എന്നു തന്നെ.പിന്നെ ലോകം വളരെ പുരോഗതി നേടി അതോടപ്പം "786"നും വരെ പുരോഗതിയുണ്ടായിട്ടുണ്ട്.
എങ്ങനെ എന്നാൽ പള്ളി വാതിലിലും ശ്മശാനത്തിലും ഉപയോഗിച്ചു വന്ന"786"എന്ന അക്കം വണ്ടി നമ്പറും,മൊബൈൽ നമ്പറുമാക്കി  ജനകീയമാക്കിയവരും ഒട്ടും കുറവല്ല.786 എന്ന നമ്പറിനു വേണ്ടി ലേലം വിളി വരെ നടന്ന ചരിത്രമുണ്ട്.

അതിലേറെ രസം ഇന്ത്യയിൽ ഇത്ര പ്രചാരം നേടാൻ കാരണം വേറെയാണെന്നും പറയപ്പെടുന്നു.   അമിതാബച്ചൻ ഇപ്പോഴത്തെ ബിഗ് ബി വർഷങ്ങൾക്കു മുന്നേ റയിൽ വേ പോർട്ടറുടെ   വേഷത്തിൽ അഭിനയിച്ച “കൂലി”എന്ന ചിത്രത്തിൽ അദ്ദേഹത്തിന്റെ പോർട്ടർ നമ്പർ  "786"എന്നായിരുന്നു!!അതോടെയാണ് "786"ന് ഇന്ത്യയിലെ വിവിധ ഭാഗങ്ങളില്‍ കൂടുതല്‍ പ്രചാരം നേടിയത് എന്ന് പറയുന്നവരും ചുരുക്കമല്ല .സാദരണക്കാർക്കിടയിൽ വളരെ വേഗം ഇതു വളരാൻ ഒരു കാ‍രണമായി.അപ്പോഴും മത വിശ്വാസികൾ പലതും മറന്നു.മതത്തിൽ വല്ല ആഘോഷമോ ചിഹ്നങ്ങളോ മതത്തിന്‍റെ ഭാഗമാക്കണമെങ്കില്‍ മത ഗ്രന്ഥങ്ങളില്‍ പ്രാമാണികമായ വ്യക്തമായ തെളിവുകൾ വേണം എന്ന പരമ സത്യം.

ഗ്രന്ഥങ്ങളിലൂടെ മതത്തെ പഠിക്കാതെ  ആൾ ദൈവങ്ങളും ,ആത്മീയ ആചാര്യൻമാരായ അച്ചനേയും,അമ്മയെയും ,ബാവ ബീവിയേയും ,തങ്ങൾ ഉസ്താദുമാരേയും പിന്തുടര്‍ന്ന്‍ മതം പഠിച്ചാൽ അനാവശ്യമായ ആഘോഷങ്ങളും ചിഹ്നങ്ങളും മതങ്ങളിൽ വരുമെന്നുറപ്പ്.അതിനൊക്കെ എണ്ണിയാല്‍ ഒടുങ്ങാത്ത ഉദാഹരങ്ങള്‍ നമ്മുടെ കണ്‍ മുന്നില്‍ തന്നെയുണ്ട്.

786  ന്റെ തുക എങ്ങനെ  കണ്ടെത്തും എന്ന് നോക്കാം.
നേരത്തെ സൂചിപ്പിച്ച പോലെ ഇന്ത്യ,പാകിസ്ഥാന്‍,ഇറാന്‍  എന്നിവിടങ്ങളിലെ  ചുരുക്കം ചിലര്‍ 786 ബിസ്മിയുടെ ചുരുക്ക രൂപമാണ് എന്ന് അവകാശപെടുന്നു , ഇനി തുക എങ്ങിനെ കണ്ടെത്തും എന്ന് നോക്കാം.തുക കണ്ടെത്താന്‍ സാധാരണയായി ALPHABETICAL METHOD ആണ് ഉപയോഗിക്കാറുള്ളത് ..ഇതിനെ ABJAD METHOD എന്ന് പറയുന്നു .ഇതിനു പിന്നില്‍ ഒരു സംഖ്യാ ശാസ്ത്രം ഉണ്ട് അറബി ഭാഷയിലെ 28 അക്ഷരങ്ങള്‍ക്കും ഓരോ സംഖ്യ അസൈന്‍ ചെയ്തിട്ടുണ് "ബിസ്മിയുടെ പൂര്‍ണ രൂപമായ بسْم اللّه الرَّحْمـَن الرَّحيم
എന്നതിലെ ഓരോ അക്ഷരത്തിനും ഒന്ന് മുതല്‍ ആയിരം വരെയുള്ള ഒരു വില നല്‍കിയിട്ടുണ്ട് ... ആ അക്ഷരങ്ങളെ ABJAD METHOD ല്‍ എങ്ങിനെ ക്രമീകരിക്കാം എന്ന് നോക്കാം ... ابجد , هوز, حطي , كلمن, سعفص, قرشت ثخذ ضظغ ഇങ്ങിനെയാണ് ക്രമീകരിചിടുള്ളത് .. .ഈ വാക്കുകള്‍ ഓരോന്നിനും ഓരോ വിലകള്‍ നല്‍കിയിട്ടുണ്ട് .ചുവടെ കാണുന്നതാണ് ആ വിലകള്‍

ابجد 1 2 3 4
هوز 5 6 7
حطي 8 9 10
كلمن 20 30 40 50
سعفص 60 70 80 90
قرشت 100 200 300 400
ثخذ 500 600 700
ضظغ 800 900 100
ഈ വിലകള്‍ ഓരോ വാകിലെയും അക്ഷരതോട് യോജിപ്പിച്ചാല്‍ ഇങ്ങിനെ ലഭിക്കും. ഉദാഹരണത്തിന് അബ്ജദിലെ അലിഫിനു കിട്ടുന്ന വില ഒന് ആണ് ,,ബ എന്നാ അക്ഷരത്തിനു കിട്ടുന്ന വില രണ്ടു ആണ് ,ജീം എന്നാ അക്ഷരത്തിനു കിട്ടുന്ന വില മൂന്നു ആണ് ദാല്‍ എന്നാ അക്ഷരത്തിനു കിട്ടുന്ന വില നാല് ആണ് ..ഇത് പോലെ ഓരോ അക്ഷരത്തിനും അതിന്റേതായ വിലകള്‍ ബിസ്മിയുടെ പൂര്‍ണ രൂപത്തില്‍ കൊടുത്താല്‍ 786 എന്നാ തുക നമ്മുക്ക് കിട്ടും അതിനായി ബിസ്മിയുടെ പൂര്‍ണ രൂപം എടുക്കുക بسْم اللّه الرَّحْمـَن الرَّحيم
ശേഷം ഓരോ അക്ഷരത്തിന്റെയും വിലകള്‍ കൊടുക്കുക കൂട്ടി നോക്കുക
2+60+40+1+30+30+5+1+30+200+8+40+50+1+30+200+8+10+40=786
പക്ഷെ ഇസ്ലാമിക പ്രമാണങ്ങളില്‍ സംഖ്യാ ശാസ്ത്രം പോലുള്ളവയെ ഒരു തരത്തിലും പ്രോത്സാഹിപ്പിച്ചിട്ടില്ല  എന്നത് പരമ സത്യം.പ്രവാചകന്‍ അവസാന പ്രസംഗത്തില്‍ പറഞ്ഞത് പിന്തുടര്‍ന്നാല്‍ മതത്തിലെ ഇത്തരം കൂട്ടിക്കെട്ടലുകള്‍ ഇല്ലാതെയാകും."ഇന്ന്‍ ഞാന്‍ ദൈവത്തില്‍ നിന്നുമുള്ള മതം പൂര്‍ത്തീകരിച്ചു തന്നിരിക്കുന്നു" എന്ന സത്യം.


Saturday, March 10, 2012

“മൃഗീയം പൈശാചികം"




"മൃഗീയം പൈശാചികം"ഈ രണ്ടു വാക്കുകൾ കേൾക്കാത്ത മലയാളികൾ ഭൂലോകത്തുണ്ടാവില്ല,അങ്ങനെ വല്ലവരും ഉണ്ടെങ്കിൽ അവർ മലയാളികൾ തന്നെയാണോ എന്നു പരിശോധിക്കണം.മലയാള നിഘണ്ടുവിൽ "മൃഗീയം പൈശാചികം"പണ്ടെ ഉണ്ടെങ്കിലും മുൻപത്തെ മുഖ്യൻ ശ്രീ ആന്റണി സാർ  ആണു ഇത്രയും പ്രചാരം നേടിക്കൊടുത്തത്.  . പക്ഷെ ആന്റണി സാർ പലപ്പോഴും അസ്ഥാനത്താണ് ഈ കടിച്ചാൽ പൊട്ടാത്ത വാക്കുകൾ ഉപയോഗിച്ചത്. നമ്മളും പലപ്പോഴും ഉപയോഗിക്കുന്നതും അസ്ഥാനത്തു തന്നെ! അതിൽ നമ്മളെയോ ആന്റണി സാറിനെയൊ കുറ്റം പറഞ്ഞു കാര്യമില്ല കാരണം നമ്മൾ അങ്ങനെ ആയിപ്പോയി,നമ്മൾ എന്തെങ്കിലും തെറ്റുകൾ ചെയ്ത് മൃഗങ്ങളുടെ അല്ലെങ്കിൽ പിശാചിന്റെ പേരിൽ കെട്ടിവെക്കുന്ന പരിപാടി.അല്ലെങ്ങിലും മലയാളികൾ അങ്ങനയാണു എല്ലാം മറ്റുള്ളവന്റെ തലയിൽ കെട്ടിവെച്ച് അതി സമർഥമായി തലയൂരും ഇവിടെയും  അതു തന്നെ സംഭവിച്ചു!!
പൈശാചികത്തെ കുറിച്ച് പിന്നീടൊരിക്കൽ പറയാം..ഇവിടത്തെ വിഷയം ഇപ്പോൾ “മൃഗീയം” മാത്രമാണ്.

“മാതാവിനെ മൃഗീയമായി തലക്കടിച്ചു മകൻ കൊലപ്പെടുത്തി”
“രണ്ടു വയസ്സുകാരിയെ അറുപതുകാരൻ മൃഗീയമായി  പീഡിപ്പിച്ചു കൊന്നു”
“യുവതിയെ മൃഗീയമയി ബലാൽസംഘം ചെയ്തു കൊന്നു”
“നാലു വയസ്സുകാരിയെ എട്ടു വയസ്സുകാരൻ പീടിപ്പിച്ചു മൃഗീയമയി കൊലപ്പെടുത്തി”
“വീട്ടമ്മയെ മൃഗീയമായി കൊലപ്പെടുത്തി സ്വർണ്ണം കവർന്നു”
“ വളർത്തു മൃഗത്തെ ലൈംഗികമായി പീഡിപ്പിച്ചു കൊന്നു” ശൊ!!മൃഗീയം തന്നെ” !!
"സ്വവർഗ പീനം ആൺ കുട്ടിയെ മൃഗീയമായി കൊലപ്പെടുത്തി”

മുകളിൽ ഈ കാണുന്നതൊക്കെ നമ്മുടെ അറിവുള്ള മാധ്യമങ്ങൾ വിളമ്പിയ അറിവു കേടുകൾ!!
അതു വായിച്ച് പാവം നാൽകാലി  മൃഗങ്ങളെ  മൃഗീയമായി നോക്കിയ ഇരു കാലി മനുഷ്യരാണു  നാം.

ലോകത്തു ഒരു മൃഗം പോലും മറ്റു ജീവികളെ ബലാൽസംഘം ചെയ്ത് കൊന്നതായി ഇത്രയതികം ശാസ്ത്രത്തിൽ  പുരോഗതി നേടിയ മനുഷ്യ മൃഗത്തിനു കണ്ടു പിടിക്കാൻ കഴിഞ്ഞിട്ടില്ല.അതു പൊലെ “കാമവെറി“ തീർക്കാൻ വേണ്ടി സ്വന്തം ജീവി വർഗത്തിലെ ഒരു ജീവിയെ പോലും ഈ മനുഷ്യ മൃഗം പറയുന്നതു പൊലെ “മൃഗീയമായി”  ഒരു മൃഗം പോലും കൊലപ്പെടുത്തിയതായി  നാം അറിഞ്ഞിട്ടില്ല.
സ്വന്തം നൊന്തു പെറ്റമാതവിനെ ഒരു ബുദ്ധി ഇല്ലാത്ത മൃഗം പൊലും കടിച്ചു കീറി “മൃഗീയമായി”  കൊന്നതായി നാം അറിഞ്ഞിട്ടില്ല.
ഒരു മൃഗം പോലും സ്വന്തം വർഗത്തിലെ സ്വന്തം ലിംഗത്തിൽ പെട്ട മൃഗത്തെ സ്വവർഗ രതിക്കു വേണ്ടി കൊന്നതായി  സർവ ജ്ഞാനി ആയ ഒരു മനുഷ്യൻ പൊലും അറിഞ്ഞിട്ടില്ല.
ഈ ഭൂമിക്കു കോടിക്കണക്കിനു വർഷത്തെ പഴക്കമുണ്ട്.അതിനർഥം അത്ര തന്നെ പാ‍രമ്പര്യം ഭൂമിക്കൂണ്ട് എന്ന്. 
ഈ കാലയളവിനിടയിൽ ഒരു മൃഗം പൊലും ചെയ്യാത്ത കാര്യങ്ങളാണു മുകളിൽ കൊടുത്തത്.
എന്നിട്ടൂം അതി സമർഥമായി മനുഷ്യൻ എന്ന ഇരുകാലി മൃഗം പാവം മിണ്ടാപ്രാണിയായ മൃഗങ്ങളുടെ പേരിൽ എത്ര കൂർമ്മ ബുദ്ധിയോടെ കെട്ടിവെക്കുന്നു !!
മൃഗങ്ങളെ നിങ്ങൾ നിരപരാതികളാണു  അതിൽ  നിങ്ങൾക്കു അഭിമാനിക്കാം!!

മൃഗാധിപത്യം  വന്നാൽ : നിങ്ങളിൽ വല്ല മൃഗവും  കാമസക്തി കൊണ്ടു  അക്രമം കാണിച്ചാൽ തീർച്ചയായും നിങ്ങൾക്കു  “മനുഷ്യീയ്യം” എന്ന പുതിയ വാക്ക് ഉദാഹരണ സഹിതം ഉപയോഗിക്കാം.

നമ്മുടെ മലയാളം നിഘണ്ടുവിൽ Animal എന്ന വാക്കിനു കൊടുത്ത  അർഥം നോക്കുക!!

Animal

  • ജന്തു
  • മഌഷ്യനല്ലാത്ത ജന്തു
  • മൃഗങ്ങളില്‍നിന്നു ലഭിക്കുന്ന
  • ജന്തുസഹജമായ
  • കാമസക്തമായ
  • അപരിഷ്‌കൃതന്‍
  • മൃഗം
  • മൃഗത്തെ സംബന്ധിച്ച
  • ശാരീരികമായ
  • ഭൗതികമായ
  • മൃഗതുല്യമായ
  • മൃഗീയമായ