ചെഗുവേര മുസ്ലിമാണോ?

ചരിത്രം പലപ്പോഴും ചാരിത്ര്യമാകാറുണ്ട്,അത് ചരിത്രകാരന്റെ കുഴപ്പമല്ല ചരിത്രം പ്രചരിപ്പിക്കുന്നവരുടെ വിവരക്കേടാണ്.ചില ചരിത്രങ്ങള്‍ ചവറ്റുകുട്ടയിലുമാകാറുണ്ട് അത് ചരിത്രത്തിന്റെയും കൂടി കുറ്റമാണ്.ചരിത്രം പ്രചരിപ്പിക്കുന്നതില്‍ മുഖ്യ പങ്ക് വഹിക്കുന്നത് അതാത് കാലഘട്ടത്തില്‍ ജീവിക്കുന്ന ചരിത്രം അറിയാത്ത സാധാരണക്കാരനും,ചരിത്ര ഗ്രന്ഥകര്‍ത്താക്കളുമാണ്. മഹാനായ ജീസസിന്റെ നിരവധി ചിത്രങ്ങള്‍ ഇന്ന് ലഭ്യമാണ് അതില്‍ ഏതാണ് ജീസസ് എന്ന് കണ്ടെത്താന്‍ ഇന്ന് ജീവിച്ചിരിക്കുന്ന ഒരാള്‍ക്കും കഴിയില്ല,അത് പോലെ തന്നെ ജീസസിന്റെ മാതാവായ മേരിയുടെയും.ഏതോ ചിത്രകാരന്റെ ഭാവനയില്‍ വിരിഞ്ഞ കേവലം ചിത്രം ചരിത്രമായി അതും ലോകത്ത് ഏറ്റവും കൂടുതല്‍ പ്രചാരണമുള്ള ചിത്രങ്ങളായി മാറി.ഇവിടെ ചരിത്രം തോറ്റു ചിത്രം വിജയിച്ചു!!അത് പോലെ തന്നെ ഹൈന്ദവ ദൈവങ്ങളും ആരാധനാ പാത്രങ്ങളുമായ ഹനുമാന്‍,ശ്രീ കൃഷ്ണന്‍,ശ്രീരാമന്‍ അങ്ങനെ പോകുന്നവരുടെ മുഖവും ആകാരവും ചിത്രകാരന്റെ ഭാവനയിലും,ഐതിഹ്യങ്ങളുടെ സീരിയലിന്റെ സംവിധായകരും
ഉണ്ടാക്കപ്പെട്ടതാണ്,അത്തരം ചിത്രവും ചരിത്രമായി മാറി!!ഒരു ചിത്രത്തിനെന്റെയോ ബിംബത്തിന്റെയോ മുന്നില്‍ ആ ദൈവങ്ങളുമായി ഒരു ബന്ധവുമില്ലാത്തവരുടെ ചിത്രങ്ങളെ നമ്മള്‍ ആരാധിക്കുന്നു,ബഹുമാനിക്കുന്നു!!ദൈവത്തെ കാണാതെ ഭാവനയില്‍ വരച്ചവര്‍ എത്ര ഭീകരര്‍!! സ്വന്തം മാതാപിതാക്കളെ കാണാത്ത നാം ഏതോ രണ്ടാള്‍ക്കാരുടെ ചിത്രമെടുത്ത് ഇത് അവര്‍ തന്നെയെന്നു കരുതി ബഹുമാനിച്ച് ചുവരില്‍ തൂക്കിയിടുമ്പോള്‍ നാം നമ്മോട് തന്നെ ചെയ്യുന്നത് ശുദ്ധ വിവരക്കേട് മാത്രം.അപ്പോള്‍ ദൈവങ്ങളോട് ചെയുന്നത് കൊടിയ അക്രമവും വിവരക്കേടും.

വിവിധരാജ്യത്തുള്ള ജീസസിന്റേതെന്ന് പറഞ്ഞ് പ്രചരിക്കുന്ന വ്യത്യസ്ഥമായ ചിത്രങ്ങള്‍

അമീര്‍ ഖത്താബ് ഇസ്ലാമിലെ രണ്ടാമത്തെ ഖലീഫയായ ഉമറുല്‍ ഖത്താബ് എന്ന തുല്യതയില്ലാത്ത ഭരണാധികാരിയല്ല.ഉമറിന്റെ ഭരണമാണ് ഞാന്‍ ആഗ്രഹിക്കുന്നത് എന്ന് പറഞ്ഞ ഭരണാധികാരികള്‍ ധാരാളമുണ്ട്. അതില്‍ നമ്മുടെ രാഷ്ട്രപിതാവ് ഗാന്ധിജിയും പെടും(രാഷ്ട്ര പിതാവല്ലെന്ന് ഈ അടുത്ത് അറിഞ്ഞു അത് ഒരു തീരുമാനം ആകുന്നതേക്ക് വരേയും കിടക്കട്ടെ പിതാവിന്റെ പട്ടം)അമീര്‍ ഖത്താബ് എന്ന മുസ്ലിം പോരാളിയും ചെഗുവേരയെന്ന കമ്മ്യൂണിസ്റ്റ് പോരാളിയും ഒരര്‍ത്ഥത്തില്‍ ഒരു പോലെ യുദ്ധമുറകള്‍ പരീക്ഷിച്ചവരായിരുന്നു.

ചെയുടെ പ്രശസ്ഥമായ ചിത്രം

“മുസ്ലിം പോരാളി“ എന്ന് കണ്ട് വല്ലവരും നെറ്റി ചുളിക്കേണ്ടതില്ല “തീവ്രവാദികള്‍,ഭീകരവാദികള്‍” എന്ന അതി മനോഹരമായ വാക്കുകള്‍ ഡിക്ഷ്നറിയില്‍ വരുന്നതിനു മുന്നേ പാശ്ചാത്യ മാധ്യമ നായകന്മാര്‍ ഓശാനപാടി ചാര്‍ത്തി കൊടുത്ത പേരാണ് “വിപ്ലവകാരി”!! അതിന് ഭാഗ്യം അമീര്‍ ഖത്താബിനു ലഭിച്ചു.ഒരു തീവ്രവാദി പട്ടം ലഭിക്കാതെ പോരാളിയായി മരണപ്പെട്ടു!!സമീര്‍ സാലേഹ് അബ്ദുല്ല അല്‍ സുവൈലം എന്ന നാമമുള്ള അമീര്‍ ഖത്താബ് എന്ന കമാന്റര്‍ ഖത്താബ് എന്നറിയപ്പെടുന്ന അമീര്‍ ഖത്താബ് ഈ കാലഘട്ടത്തിലാണെങ്കില്‍ പക്ക ഒരു മുസ്ലിം ടിപ്പിക്കല്‍ തീവ്രവാദി തന്നെ!!

ചെച്ന്യന്‍ പോരാളി കമാണ്ടര്‍ ഖത്താബ്

സൌദിയ അറേബ്യന്‍ വംശജനും മുസ്ലിമുമായ അമീര്‍ ഖത്താബും അര്‍ജന്റീനക്കാരനായ കമ്മ്യൂണിസ്റ്റ്കാരനും ഗറില്ലാ യുദ്ധ തന്ത്രഞ്ജന്‍ ചെഗുവേരയും തമ്മില്‍ ആദര്‍ശപരമായും,ആശയപരമായും രാവും പകലും തമ്മിലുള്ള വ്യത്യാസമുണ്ട് പക്ഷെ മുകളില്‍ പറഞ്ഞപോലെ ചില കാര്യങ്ങളില്‍ ഒരു പോലെ എന്ന് തോന്നിപ്പിക്കും.പ്രവര്‍ത്തനത്തിലും,മുഖഛായയിലും വരെ!ചെഗുവേര സാമ്രാജ്യത്വത്തിനെതിരെ പൊരുതിയ കമ്മ്യൂണിസ്റ്റ്കാരനാണ്.ഖത്താബ് കമ്മ്യൂണിസത്തിനെതിരെ പോരാടിയ മുസ്ലിം മത വിശ്വാസിയും.സോവിയറ്റ് യൂണിയന്റെ നേതൃത്വത്തില്‍ നടന്ന അഫ്ഗാന്‍ അധിനിവേശത്തിലും,ചെചെന്യന്‍ അധിനിവേശത്തിലും,ബോസ്നിയന്‍ യുദ്ധത്തിലും മറ്റും മുസ്ലിംകള്‍ക്ക് വേണ്ടി പോരാടിയ വിപ്ലവകാരിയാണ് ഖത്താബ് എന്ന കമാന്റര്‍ ഖത്താബ്.ചിലപ്പോള്‍ കമ്മ്യൂണിസ്റ്റ് ഭരണകൂടത്തിനോട് യുദ്ധം ചെയ്യുന്നതിനാലാകാം ഖത്താബ് പാശ്ചാത്യ മാധ്യമ സാമ്രാട്ടുക്കള്‍ക്ക് ധീര“വിപ്ലവകാരി”യായത്? ലോകത്തില്‍ ഏറ്റവും കൂടുതല്‍ പ്രചരിച്ച ഫോട്ടോകളില്‍ ഒന്നാണ് ചെഗുവേര എന്ന ലാറ്റിനമേരിക്കകാരുടെ “ചെ“യുടെ ചിത്രം. ആല്‍ ബര്‍ട്ടോ കോര്‍ദ എന്നയാള്‍ എടുത്ത ചെയുടെ ചിത്രം വിപ്ലവത്തിന്റെ പ്രതീകമാകാന്‍ അതിക താമസം വേണ്ടി വന്നില്ല.അമേരിക്കന്‍ ചാരന്മാര്‍ വിജാരണയില്ലാതെ കൊലപ്പെടുത്തിയ ചെഗുവേരയുടെ ചിത്രത്തെ ഇരുപതാം നൂറ്റാണ്ടിന്റെ പ്രതീകമെന്ന് പല ചരിത്രകാരന്മാരും വിശേഷിപ്പിച്ചിട്ടുണ്ട്.

മുടിയും താടിയും നീട്ടി വളര്‍ത്തിയ ചെ ശരിക്കും വിപ്ലവത്തിന്റെ പ്രതീകമാണെന്ന് പറയാതെ തന്നെ അറിയും.അതേ പോലെ താടിയും മുടിയും നീട്ടിയ വളര്‍ത്തിയയാളായിരുന്നു അമീര്‍ ഖത്താബും.മുടിയും താടിയും നീട്ടി വളര്‍ത്തുന്നത് പ്രവാചക ചര്യയുടെ ഭാഗമായിട്ടാണോ അതോ വിപ്ലവത്തിന്റെ പ്രതീകമായിട്ടാണോ അമീര്‍ ഖത്താബ് അനുകരിച്ചെതെന്ന് അദ്ദേഹത്തിന്റെ ആദര്‍ശവും,പ്രവര്‍ത്തനവും കൊണ്ട് മനസ്സിലാക്കിയാല്‍ ആദ്യം പറഞ്ഞതിനോടാണ് കൂടുതല്‍ സാമ്യം കാണുന്നത്.

ലഭ്യമായ നൂറുകണക്കിനു ഹനുമാന്റെ രൂപങ്ങളില്‍ നിന്ന് ഒരെണ്ണം

ചെയുടെ ചിത്രം പോലെ തന്നെ അറബി വംശജകര്‍ക്കിടയില്‍ പ്രചാരം നേടിയ ചിത്രമാണ് ഖത്താബിന്റെ ചിത്രവും ഒറ്റ നോട്ടത്തില്‍ ചെയെന്ന് തോന്നിപ്പിക്കുന്ന ചിത്രം അറബി വിദ്വാന്മാരും ഉണ്ടാക്കിയിട്ടുണ്ട്.ആ ചിത്രമൊക്കെ ചെ യുടെ ചിത്രവുമായി കൂട്ടി കുഴഞ്ഞ് ചെ യോ ഖത്താബോ എന്ന് തിരിചറിയാന്‍ പറ്റാത്ത രീതിയില്‍ പ്രചരിച്ചു. ഇന്നും നിരവധി അറബി വംശജര്‍ ചെ യുടെ ചിത്രം ഖത്താബിന്റേതാണെന്ന് തെറ്റിദ്ധരിച്ചു കൊണ്ട് നടക്കാറുണ്ട്.കുറച്ച് ദിവസം മുമ്പ് ഒരു സുഹൃത്ത് ഫൈസ്ബുക്കില്‍ കൂടി പറഞ്ഞ ഒരു കര്യാമാണ് ഇതെഴുതാന്‍ തന്നെ എന്നെ പ്രേരിപ്പിച്ചത്. ചെ യുടെ ചിത്രം പതിച്ച വണ്ടിയോ മറ്റ് കണ്ട് ചോദിച്ച സുഹൃത്തിനു കിട്ടിയ മറുപടിയില്‍ അദ്ദേഹം തരിച്ചു പോയി “ഇതാണ് ധീര ശഹീദ് എന്ന്!! (ശഹീദ് എന്നാല്‍ ഇസ്ലമിക മാര്‍ഗത്തില്‍ മരണപ്പെട്ടവര്‍) തെറ്റിദ്ധരിച്ചതിന്റെ ആഴം ഇതില്‍ നിന്നും അളക്കാവുന്നതേയുള്ളൂ.

ചെ പട്ടാള വേഷത്തില്‍

നാം ഒരോരുത്തരും ചരിത്രകാരന്മാരാണ് പല വിധത്തിലും അര്‍ത്ഥത്തിലും നാം പറയുന്നതും പ്രവര്‍ത്തിക്കുന്നതും നാളെയുടെ തലമുറകള്‍ക്ക് ചരിത്രമാകും.അതു പോലെ തന്നെ മുസ്സോളനിയൂടെ ഏകാധിപത്യത്തില്‍ അധിനിവേശം നടത്തിയ ലിബിയയില്‍ മരുഭൂമിയിലെ സിംഹം എന്ന് ഇറ്റാലിയന്‍ പട്ടാളം വിശേഷിപ്പിച്ച ഉമര്‍ അല്‍ മുഖ്താറിനെ ഇറ്റാലിയന്‍ പട്ടാളം കയ്യും കാലും ചങ്ങല കൊണ്ട് ബന്ധിയാക്കിയ ചിത്രം കണ്ട് “വെളിയങ്കോട് ഉമര്‍ ഖാളി“ എന്ന് തെറ്റിദ്ധരിച്ച് വിളിച്ച് കൂവുമ്പോള്‍ സഹതാപം മാത്രമാണ്. അവര്‍ ചെയ്യുന്നത് അവരറിയുന്നില്ല അന്വേഷിക്കുന്നില്ല. പക്ഷെ എല്ലാം ചരിത്രമായി മാറുന്നു അവര്‍ പോലും അറിയാതെ,ജീസസിനെ,ഹനുമാനെ,ശ്രീ കൃഷ്ണണനെ,ശ്രീ രാമനെ നാം കണ്ടത് പോലെ “ചെഗുവേര ഖത്താബായത്“ പോലെ!!നമ്മുടെ കണ്‍ മുന്നില്‍ നിന്നും ലോകം മാറാന്‍ നിമിശനേരങ്ങള്‍ മതിയാവും.

വെളിയങ്കോട് ഉമര്‍ ഖാളി എന്ന പേരില്‍ സോഷ്യല്‍ സൈറ്റില്‍ പ്രചരിക്കുന്ന ലിബിയന്‍ പോരാളി ഉമര്‍ മുഖ്താര്‍

എഴുതിയ അമ്പതാമത്തെ പോസ്റ്റ്!!ബൂലോകത്ത് ഒരു വര്‍ഷത്തോളം തുടരാന്‍ പറ്റിയതില്‍ സര്‍വ്വശക്തനായ ദൈവത്തോട് നന്ദിയും കൃതജ്ഞതയും!! എല്ലാവരോടും നന്ദിയും സ്നേഹവും മാത്രം!! ഇഷ്ടപ്പെട്ട് സുഹൃത്താക്കിയവര്‍ ആയിരങ്ങള്‍,ഇഷ്ടപ്പെടാത്തത് കൊണ്ട് സുഹൃത്ത് വലയത്തില്‍ നിന്നും തട്ടിയവര്‍ വിരലിലെണ്ണാവുന്നവര്‍.....പടന്നക്കാരന്‍ ഷബീര്‍



This Article Sponsored By:

                                                        KiCkEr- FoR MeN

"TrEnDz NeVeR eNdZ" THE ULTIMATE GENTS SHOW ROOM Cheruvatthoor, Kasargod(Dt)
Anez:919809502532