വാലന്റൈന്‍ ആറാട്ടും തലയും വാലും പോയ കൌമും!!

തലയും വാലും പോയ  കുട്ട്യോള്‍ക്ക്  ഒരു  തലയും വാലില്ലാ ദിനവും കൂടി വരവായി .ഖല്‍ബില്‍ ഒളിപ്പിച്ചു വെച്ച മുഹബ്ബത്തിന്‍ പഞ്ചാര മുഠായി പിരിശത്തോടെയോഴുക്കാന്‍ കൌമാര കമിതാക്കള്‍ക്ക് ഒരു അസുലഭ നിമിഷം വരവായി!! പൊരയില്‍ നിന്നും ഇരന്നുവാങ്ങിയ പോക്കറ്റ് മണിക്ക് ഗ്രീറ്റിംഗ്സ് കാര്‍ഡും ,മുള്ളില്ലാത്ത റോസാപ്പൂവും കൂടെ കരളേ,മുത്തേ,ചക്കരേ,ചക്കേ എന്ന പരശുറാം മഴുവെറിയന്നതിനു മുന്നേ കേരളമാമല നാട്ടില്‍ പിറവി കൊണ്ട ഒലിപ്പിക്കല്‍ ഡയലോഗുകള്‍ പള പളാ മിന്നുന്ന മഷിയുള്ള പേന കൊണ്ടെഴുതി ഖല്‍ബിലൊളിപ്പിച്ചു വെച്ച സുബര്‍ഗത്തിലെ പുതുമണവാളനായ മജ്നൂനെ ഖല്‍ബില്‍ കിനാക്കണ്ട് തട്ടത്തിന്‍ മറയത്തെ ഒന്നും തിരിയാത്ത ഉമ്മച്ചി കുട്ട്യോള്‍ക്കും,പൊട്ടു തൊട്ട അമ്മച്ചി കുട്ട്യോള്‍ക്കും,ചട്ടയും മുണ്ടും കെട്ടാത്ത,കടുക്കയും കൊന്തയും തൂക്കാത്ത അച്ചായത്തി കുട്ട്യോള്‍ക്കും,ഒന്നുലുമില്ലാത്ത സഖാക്കള്‍ കുട്ട്യോള്‍ക്കും ഖല്‍ബിലെ പിരിശം മൊഞ്ചോടെ പുഞ്ചിരി തൂകി തുറന്ന്  കാണിക്കാന്‍  തലയും വാലും പോയ ന്യൂ ജനറേഷന്‍ ടീമിനൊരു വാലില്ലാ സുദിനം വരവായി!! ചുരുക്കി പറാഞാല്‍ അടുപ്പില്‍ നിന്നും ചേരപായുന്നവര്‍ക്കും,വായില്‍ സ്വര്‍ണ്ണക്കരണ്ടിയുമായി ജനിച്ചവര്‍ക്കുമുള്ള പരേഡില്ലാ സ്വാതന്ത്ര്യ ദിനം വന്നെത്തി എന്നു ചുരുക്കം!!

ഇന്ന് കാണുന്ന അഘോഷങ്ങളൊക്കെ ആഭാസമാകാനും,ആക്കാനും പ്രത്യേക കാരണങ്ങളൊന്നും വേണ്ടതില്ല എന്ന് നമ്മളൊക്കെ കാണുന്നതും,അനുഭവിച്ചറിയുന്നതും!!സൈക്കിള്‍ അഗര്‍ബത്തിക്കാര്‍ പറഞപോലെ പ്രാര്‍ത്ഥിക്കാന്‍ ഓരോരോ കാരണങ്ങള്‍ എന്ന പോലെ “ആഘോഷിച്ച് ആഭാസിക്കാന്‍” ഓരോരോ ഉഡായിപ്പ് കാരണങ്ങള്‍!! ഇന്ന് ലോകത്തുള്ള അഘോഷങ്ങളുടെ ചരിത്രവും മറ്റും പരതാന്‍ ശ്രമിച്ചാല്‍ രാഷ്ട്രീയക്കാരുടെ പീഡന കഥ പരതാന്‍ പോയ അവസ്ഥയാകും!!അത്തരം ആഘോഷ ആഭാസ കദന കഥകള്‍ മൊത്തമായും ചില്ലറയായും വ്യാപാരം ചെയ്യാന്‍ തീരെ സമയമില്ലാത്തത് കൊണ്ട് നമ്മക്ക് നേരെ പതിനാലാം രാവുദിച്ച പതിനാലാം തിയ്യതിയിലെ വാലില്ലാത്ത വാലന്റൈന്‍ മാമാങ്കത്തെ കുറിച്ച് ചര്‍ച്ചിക്കാം!!
ന്യൂ ജനറേഷന്‍ ടീംസ് യു ആള്‍ ആര്‍ റേഡി?

പെണ്ണ്,പിടക്കോഴി, പൂവന്‍ കോഴി എന്നിവയുടെ ഒക്കെ പിറകില്‍ നാട്ടിലെ പുരുഷ കേസരികള്‍ ഫുള്‍ ബുസിയായപ്പോള്‍ നമ്മടെ റോമിലെ ക്ലോയിഡസ് രണ്ടാമന്‍ എന്ന ചക്രവര്‍ത്തിക്ക് യുദ്ധം ചെയ്യാന്‍ ആളെ കിട്ടാതെ വന്നു.പുള്ളിക്ക് ഹാലിളകി കണ്ട്രി ആണുങ്ങള്‍സ് എന്നും ചീറി ആന്റ് ഹീ ഗോട്ട് വരി വരി ആന്‍ഗ്രി യു നോ,..!!ആന്‍ഗ്രിയുടെ പുറത്ത് പുള്ളി  ഇനി മുതല്‍ ഒരൊറ്റ ആണും, പെണ്ണൂം കെട്ടി പെണ്‍ കോന്തന്മാരാകേണ്ട എന്ന ആന്‍ഗ്രികമന്റ്സ് പാസാക്കി.കമന്റ് നിയമാമായി പുലിവാലായി എന്ന് പറാഞാല്‍ മതിയല്ലോ!! നിക്കാഹും,താലികെട്ടും അങ്ങനെ വേണ്ട സകലതും പുള്ളീ നിരോധിച്ചു എന്ന് ചുരുക്കം!! നിരോധിച്ചിട്ടും നിക്കാഹും കുലുമാലും  നടത്താന്‍ മുന്‍ കൈ എടുത്ത വാലന്റൈന്‍ എന്ന പള്ളീലച്ചനെ ജയിലിലാക്കി!!! അച്ചനാരാ മോന്‍? ജയില്‍ വാര്‍ഡന്റെ മോള്‍ക്ക് തന്നെ ഖലിബിലെ പിരിശം കാണിച്ച് കൊടുത്തു!! വാര്‍ഡന്റെ മോള്‍ പള്ളീലച്ചന്റെ   മൊഹബ്ബത്തില്‍ വീണു കണ്ണീരും കിനാവുമായി മാപ്പിളപ്പാട്ട് പോലെയായി!! ഇതാണു വാലില്ലാത്ത വാലന്റൈ ചരിത്രം!!

ഐ തിങ്ക് യു ആള്‍ ആര്‍ ഗോട്ട് ഇറ്റ്!!
ഏതോ റോമില്‍ അതും കുറേ പിരാന്തന്മാ‍ര്‍ നൂറ്റാണ്ടുകള്‍ മുന്നേ ഉണ്ടാക്കപ്പെട്ട ഉഡായിപ്പ് അഘോഷങ്ങള്‍ക്ക് പിറകെ പോയി ഖല്‍ബിലെ പിരിശം ന്യൂ ജനറേഷന്‍ ടീംസ് പഴം കഞ്ഞിപോലെയാക്കി!!സംസാകരമില്ലാത്ത സമ്പത്തുള്ളവര്‍ നാറിയ ഇത്തരം ആഘോഷങ്ങള്‍ പേറുന്നത് കാണുമ്പോള്‍  തന്നെ അറിയാതെ മൂക്കു പൊത്തിപോകും!!വീട്ടില്‍ നിന്നും ഇരന്നു വാങ്ങിയ പുളിക്കുന്ന വിയര്‍പ്പും,ചോരയും മണക്കുന്ന കായ ഇത്തിരി അതികം കയ്യിലുണ്ടെങ്കില്‍ മുറ്റത്തിറങ്ങിയാല്‍ നിങ്ങളുടെ ഭാഷയില്‍ പറഞാല്‍ കണ്ട്രി ഡേര്‍ട്ടി ഫെല്ലോസിനെ കാണും!! എന്തെങ്കിലും തുട്ട് നാണായം അവറ്റകള്‍ക്ക് എറിഞ് കൊടുത്താല്‍ അവറ്റകള്‍ വല്ലതും പള്ളയിലേക്കെറിയും!!കാമുകന്‍ ചാടിപ്പോയ കാമുകിക്ക് വേണ്ടി ഒരു ദിനം,പല്ലു പോയ അമ്മൂമ്മക്ക് പല്ലില്ലാ ദിനം,താടി നെരച്ച ഉപ്പുപ്പാക്ക് താടി ദിനം,അണ്ടിപോയ അണ്ണാനു വേണ്ടി ഒരു ദിനം,ഭാര്യയുടെ തല്ല് കൊള്ളുന്ന പുരുഷ കേസരികള്‍ക്ക് ഒരു ദിനം!!! അല്ല വേറെ പണിയില്ലേ പൊന്നാര മക്കളേ......!!! കണ്ണില്‍ കണ്ട ആട്ടത്തിന്റെ കൂടെ അങ്ങ് ഉരിഞ്ഞാടാന്‍!!

ഇതിലെ ചില വരികള്‍ കടം തന്ന ബഷീര്‍ വള്ളിക്കുന്നിന്  എന്റെ വക ഖല്‍ബില്‍ നിന്നും  വാലന്റൈന്‍  നന്ദി:)